اسلام آباد۔ 19 نومبر (اے پی پی) پاکستان اتے چین وچال سٹریٹجک تعلقات کوں ٻیا مضبوط بݨاوݨ، توانائی اتے معدنیات دے شعبیاں اچ تعاون تے اتفاق تھیے، ݙوہیں مُلکاں ایں عزم دا اعادہ کیتا جو توانائی اتے معدنیات دے شعبیاں اچ تعاون کوں نویں بلندیاں تئیں آندا ونڄے۔ بدھ کوں وفاقی وزیر برائے پیٹرولیم علی پرویز ملک اتے پاکستان اچ تعینات چین دے سفیر جیانگ زیڈونگ وچال چینی سفارت خانے …
پاکستان اتے چین وچال سٹریٹجک تعلقات کوں ٻیا مضبوط، توانائی اتے معدنیات دے شعبیاں اچ تعاون تے اتفاق
مزید خبراں
اسلام آباد۔ 19 نومبر (اے پی پی) پاکستان اتے چین وچال سٹریٹجک تعلقات کوں ٻیا مضبوط بݨاوݨ، توانائی اتے معدنیات دے شعبیاں اچ تعاون تے اتفاق تھیے، ݙوہیں مُلکاں ایں عزم دا اعادہ کیتا جو توانائی اتے معدنیات دے شعبیاں اچ تعاون کوں نویں بلندیاں تئیں آندا ونڄے۔ بدھ کوں وفاقی وزیر برائے پیٹرولیم علی پرویز ملک اتے پاکستان اچ تعینات چین دے سفیر جیانگ زیڈونگ وچال چینی سفارت خانے اسلام آباد اچ ملاقات ہوئی جئیں اچ پاکستان اتے چین دے مضبوط اتے دیرپا شراکت دارانہ تعلقات دے عزم دا اعادہ کیتا گیا ۔ ملاقات اچ توانائی اتے معدنیات دے شعبیاں اچ تعاون کوں ٻیا ودھاوݨ دے حوالے نال گالھ مہاڑ کیتی گئی اتے نال ای علاقائی استحکام اتے مشترکہ اقتصادی ترقی دے وژن تے وی گالھ کیتی گئی ۔ وفاقی وزیر علی پرویز ملک چین کوں پاکستان منرل انویسٹمنٹ فورم (پی ایم آئی ایف) 2026 اچ شرکت دی باضابطہ دعوت ݙتی ۔ انہاں آکھیا جو کَن کَڈھݨ دا شعبہ اڄوکی حکومت دی ترجیح اے اتے ایں اچ ݙو پاسہ تعاون ودھاوݨ دے ودھ مواقع موجود ہن۔ چینی سفیر دعوت دا خیر مقدم کریندیں ہوئیں آپݨی بھرپور حمایت دا یقین ݙیوایا ۔ انہاں وفاقی وزیر علی پرویز ملک اوکھے معاشی حالات دے دوران چین دی مستقل اتے مخلصانہ مدد تے شکریے دا اظہار کیتا ۔ انہاں آکھیا جو پاکستان آپݨے چینی بھراواں دے نال ہر سطح تے کھڑے اتے چین دی سالمیت اتے علاقائی استحکام دی مکمل حمایت کریندے۔ چینی سفیر پاکستان دے اصلاحاتی ایجنڈے دی تعریف کریندیں ہوئیں ایں کوں پائیدار ترقی آلے پاسے اہم قدم قرار ݙتا ۔
