نائب وزیراعظم سینیٹر محمد اسحاق ڈار ماسکو اچ شنگھائی تعاون تنظیم دے سربراہان حکومت دی کونسل دے 24 ویں اجلاس اچ شرکت دے بعد روس توں واپس روانہ تھی گئے

ماسکو۔ 19 نومبر (اے پی پی) نائب وزیراعظم اتے وزیر خارجہ سینیٹر محمد اسحاق ڈار ماسکو اچ شنگھائی تعاون تنظیم دے سربراہان حکومت دی کونسل دے 24 ویں اجلاس اچ شرکت دے بعد روس توں واپس روانہ تھی گئے ۔ بدھ کوں ترجمان دفتر خارجہ ولوں جاری بیان موجب نائب وزیراعظم 17 توں 18 نومبر تئیں تھیوݨ آلے ایس سی او کونسل آف ہیڈز آف گورنمنٹ دے اجلاس اچ پاکستان دے وفد دی قیادت کیتی ۔ نائب وزیراعظم کھلی مہمان نوازی اتے اجلاس دے کامیاب تھیوݨ تے میزبان حکومت دا شکریہ ادا کیتا ۔ انہاں ماسکو اچ پاکستان دے سفارت خانے اتے دفتر خارجہ دی ٹیماں ولوں آپݨے دورے اچ سہولت ݙیوݨ دے تعاون دی وی تعریف کیتی ۔