نائب وزیراعظم سینیٹر محمد اسحاق ڈار 19 توں 21 نومبر تئیں برسلز دا سرکاری دورہ کریسن اے

اسلام آباد۔ 19 نومبر (اے پی پی) نائب وزیراعظم اتے وزیر خارجہ سینیٹر محمد اسحاق ڈار، یورپی یونین دی اُچی نمائندہ اتے نائب صدر برائے خارجہ امور اتے سلامتی پالیسی کایا کالس دی دعوت تے 19 توں 21 نومبر تئیں برسلز دا سرکاری دورہ کریسن جتھاں او پاکستان-یورپی یونین سٹریٹجک ڈائیلاگ دے 7 ویں اجلاس دی سانجھی صدارت کریسن ۔ ترجمان دفتر خارجہ ولوں بدھ کوں جاری بیان موجب، سٹریٹجک ڈائیلاگ ݙوہیں فریقاں وچال ادارہ جاتی تعامل دی اُچی ترین سطح اے۔ اے پاکستان اتے یورپی یونین وچال پاکستان-ای یو سٹریٹجک انگیجمنٹ پلان 2019 دے تحت سارے شعبیاں اچ تعاون دا جائزہ گھنسی ۔ نائب وزیر اعظم دورے دے دوران چوتھے یورپی یونین انڈو پیسفک وزارتی فورم اچ وی شرکت کریسن ۔ فورم دے موقع تے یورپی یونین دے سینئر عہدیداراں دے نال بہوں ساریاں ݙو پاسہ ملاقاتاں وی تھیسن ۔ نائب وزیراعظم تے وزیر خارجہ سینیٹر اسحاق ڈار دا دورہ برسلز پاکستان اتے یورپی یونین دے تعلقات اچ ہک اہم سنگ میل اے۔ بیان موجب، پاکستان یورپی یونین دے نال ہک جامع اتے آپس اچ فیدہ ݙیوݨ آلی شراکت داری کوں ودھاوݨ کیتے پکا ارادہ رکھیندے۔