ڈی جی آئی ایس پی آر احمد شریف چوہدری دی قائد اعظم یونیورسٹی دے استاداں اتے طالب علماں نال خاص نشست

اسلام آباد۔ 19 نومبر (اے پی پی) پاک فوج دے شعبہ تعلقات عامہ (آئی ایس پی آر) دے ڈائریکٹر جنرل احمد شریف چوہدری دی قائد اعظم یونیورسٹی اسلام آباد دے استاداں اتے طالب علماں نال ہک خاص نشست رکھی گئی ۔ ڈی جی آئی ایس پی آر طالب علماں کوں سوشل میڈیا تے جاری تھیوݨ آلے پروپیگنڈے اتے اصل حقائق بارے وی ݙسیا۔ تفصیلات موجب، ڈی جی آئی ایس پی آر لیفٹیننٹ جنرل احمد شریف چوہدری قائداعظم یونیورسٹی اسلام آباد دا دورہ کیتا ۔ قائداعظم یونیورسٹی اسلام آباد اچ ڈی جی آئی ایس پی آر دی آمد کوں استاداں اتے طالب علماں  تعریف کیتی ۔ دورے دے دوران نشست اچ ڈی جی آئی ایس پی آر اندرونی صورتحال، مُلکی دفاع اتے پاک فوج دے پیشہ ورانہ کردار تے روشنی پاتی ۔ ڈی جی آئی ایس پی آر طالب علماں کوں سوشل میڈیا تے جاری تھیوݨ آلے پروپیگنڈے اتے اصل حقائق بارے وی ݙسیا۔ وائس چانسلر قائداعظم یونیورسٹی ڈی جی آئی ایس پی آر دی تعریف کریندیں ہوئیں آکھیا جو بھارت دے حوالے نال ڈی جی آئی ایس پی آر آکھیا ہئی جو اساݙے جواب کوں دنیا ݙیکھسی اتے دنیا مسلح افواج دے جواب کوں چنڳے طریقے نال ݙٹھا ، افواج پاکستان صرف بھارت اتے ایں دی فوج کوں نئی بلکہ انہاں دی ٹیکنالوجی کوں وی شکست ݙتی اے۔ خاص نشست اچ موجود طالب علماں اتے استاداں آکھیا جو ڈی جی آئی ایس پی آر نال خاص نشست بہوں سارے طالب علماں دی ابہام کوں مکمل طور تے بدل ݙتے۔ استاداں آکھیا جو اساں پنجابی، پٹھان، سندھی یا بلوچی نئی بلکہ ساریاں توں پہلے پاکستانی ہاں، اڄ دا سیشن بہوں موثر ہا جئیں نال طالب علماں کوں بہوں کجھ سکھݨ کوں مِلیے۔ طالب علماں آکھیا جو اڄ دی نشست اچ پاکستان دے ہر ضلع اتے تحصیل توں طالب علم موجود ہن۔ ڈی جی آئی ایس پی آر غلط معلومات تے طالب علماں دے سوالاں دے دلیل نال جواب ݙتے ، اساں پاکستانی ہاں اتے پاک آرمی اساں اچوں اے، اساں پاکستان دی مسلح افواج دے نال کھڑوں اتے سلام پیش کریندوں۔