سکیورٹی فورسز دے ضلع کرم اچ 2 کامیاب آپریشنز، بھارتی حمایت یافتہ فتنہ الخوارج دے 23 دہشت گرد ہلاک کر ݙتے ، آئی ایس پی آر

راولپنڈی۔ 20 نومبر (اے پی پی) سکیورٹی فورسز صوبہ خیبر پختونخوا دے ضلع کرم اچ 2 کامیاب آپریشنز اچ بھارتی حمایت یافتہ فتنہ الخوارج دے 23 دہشت گرد ہلاک کر ݙتے ۔ پاک فوج دے شعبہ تعلقات عامہ (آئی ایس پی آر) توں جاری بیان موجب خوارج دی موجودگی دی اطلاع مِلݨ تے سکیورٹی فورسز ٹارگٹڈ آپریشن کیتا ۔ کارروائی دے دوران سکیورٹی فورسز دہشت گرداں دے ٹکاݨے کوں نشانہ بݨایا ۔ ایں دوران شدید فائرنگ دے تبادلے اچ 12 خوارج جہنم واصل تھی ڳئے ۔ ایں علاقے اچ ہک ٻئے خوارج گروہ دی موجودگی دی اطلاعات تے ݙوجھا آپریشن کیتا گیا جئیں اچ سکیورٹی فورسز ٻئے 11 دہشت گرد ہلاک کر ݙتے ۔ سکیورٹی فورسز اتے قانون نافذ کرݨ آلے ادارے عزم استحکام دے وژن دے تحت علاقے اچ کہیں وی بھارتی حمایت یافتہ خوارج دی موجودگی دے خاتمے کیتے آپریشن جاری رکھے ہوئن تاںجو مُلکی اتے غیر مُلکی حمایت یافتہ دہشت گردی دے خطرات کوں منڈھوں مُکایا ونڄے۔