وفاقی وزیر داخلہ محسن نقوی دی ڈیرہ اسماعیل خان دے علاقے اچ پولیس بکتر بند گاݙی دے نیڑے دھماکے دی مذمت

اسلام آباد۔ 20 نومبر(اے پی پی)وفاقی وزیر داخلہ محسن نقوی ڈیرہ اسماعیل خان دے علاقے اچ پولیس بکتر بند گاݙی دے نیڑے دھماکے دی مذمت کریندے شہید تھیوݨ آلے 2 پولیس اہلکاراں سیف الرحمن اتے رمضان کوں خراج عقیدت پیش کیتے۔ وزیر داخلہ محسن نقوی شہید اہلکاراں دے لواحقین نال ہمدردی کریندے پرچاوݨی ݙتی۔ انہاں آکھیا جو خیبر پختونخوا پولیس دے بہادر جواناں دی قربانی کوں سلام پیش کریندے ہیں، کے پی کے پولیس دہشت گردی دے خلاف جنگ اچ فرنٹ لائن تے ہے، شہید پولیس اہلکاراں دی قربانی نا ونڄیسی۔ انہاں دھماکے اچ زخمی 4 اہلکاراں دی تیکھے صحت یابی دی وی دعا کیتی۔