نائب وزیراعظم اسحاق ڈار دی برسلز اچ یورپی یونین دے کمشنر برائے امور داخلہ اتے مائیگریشن میگنس برنر نال ملاقات

برسلز۔ 20 نومبر(اے پی پی)نائب وزیراعظم و وزیر خارجہ سینیٹر محمد اسحاق ڈار برسلز اچ یورپی یونین دے کمشنر برائے امور داخلہ اتے مائیگریشن میگنس برنر نال ملاقات کیتی۔ دفتر خارجہ توں جاری بیان موجب، ملاقات اچ نائب وزیراعظم و وزیر خارجہ سینیٹر محمد اسحاق ڈار حال ہی اچ تھیوݨ آلے پاکستان-یورپی یونین مائیگریشن موبلٹی ڈائیلاگ دا خیرمقدم کیتا اتے یورپی یونین اچ ہُنرمند مزدوراں دی قانونی نقل مکانی کوں سوکھا بݨاوݨ اتے انہاں کوں منظم کرݨ کیتے ’’ڈائیلاگ فریم ورک‘‘ دی افادیت دا ݙسایا۔ ݙوہیں فریقاں نقل مکانی اتے مزدوراں دی نقل و حرکت دے معاملیاں تے ݙو طرفہ تعاون دی ودھدی ہوئی سطح دی تعریف کیتی۔ نائب وزیراعظم آکھیا جو پاکستان “یورا معاہدے” تے عملدرآمد کیتے پر عزم اے۔ یورپی یونین دے کمشنر میگنس برنر غیر قانونی ہجرت کوں روکݨ کیتے پاکستان دیاں کوششاں دی تعریف کیتی۔ ݙوہیں فریقاں “پاکستان-یورپی یونین ٹیلنٹ پارٹنرشپ روڈ میپ”  دے ذریعے غیر قانونی ہجرت کوں روکݨ اتے قانونی رستیاں کوں فعال بݨاوݨ دی حمایت اتے معاونت دا اعادہ کیتے۔ سیکرٹری خارجہ آمنہ بلوچ اتے یورپی یونین، بیلجیئم اتے لکسمبرگ کیتے پاکستان دے سفیر رحیم حیات قریشی وی ملاقات اچ موجود ہن۔