سپیکر قومی اسمبلی دا مختلف کامیاب کارروائیاں اچ خوارجی دہشت گرداں کوں جہنم واصل کرݨ تے سکیورٹی فورسز کوں خراجِ تحسین

اسلام آباد۔ 20 نومبر(اے پی پی)سپیکر قومی اسمبلی سردار ایاز صادق مہمند، لکی مروت اتے ٹانک اچ کامیاب کارروائیاں اچ خوارجی دہشت گرداں کوں جہنم واصل کرݨ تے سکیورٹی فورسز کوں خراجِ تحسین پیش کیتے۔ انہاں آکھیا جو قومی سلامتی اتے مُلکی دفاع کیتے پاک افواج دا کردار ماݨ کرݨ آلا اے، دہشت گردی مکاوݨ کیتے سکیورٹی فورسز اتے قانون نافذ کرݨ آلے اداریاں دیاں قربانیاں نہ بھلݨ آلیاں ہین، دہشت گردی دی پاڑ پٹݨ کیتے جاری آپریشنز تے پوری قوم سکیورٹی فورسز دے نال کھڑی اے۔ خوارجی دہشت گرداں دے خلاف کامیاب کارروائیاں سکیورٹی فورسز دی پیشہ ورانہ مہارت دا ثبوت اے۔ انہاں آکھیا جودہشت گردی دے ناسور دے خلاف پاک فوج اتے پوری قوم متحد اے،  دہشت گردی توں پاک پاکستان اساں ساریاں دی سانجھی منزل اے۔