وفاقی وزیرِ داخلہ محسن نقوی دی بنوں اچ امن کمیٹی دے دفتر تے فتنہ الخوارج دے حملے دی مذمت

اسلام آباد۔ 21 نومبر(اے پی پی)وفاقی وزیرِ داخلہ محسن نقوی بنوں دے علاقے اچ امن کمیٹی دے دفتر تے فتنہ الخوارج دے حملے دی مذمت کریندے ہوئیں جانی نقصان تے افسوس کیتے۔ جمعہ کوں وزارت داخلہ توں جاری بیان موجب، وزیر داخلہ محسن نقوی آکھیا جو دہشت گردی دی اے بزدلانہ کارروائی امن و استحکام کوں نقصان پُچاوݨ دی مذموم کوشش اے۔ فتنہ الخوارج دیاں اینڄھیاں بزدلانہ کارروائیاں عوام دے اُچے حوصلے کوں کمزور نئیں کر سگدیاں۔ محسن نقوی آکھیا جو قوم اتے ریاست امن دشمن ہتھاں دے خلاف ہک مٹھ کھڑی اے۔ وزیر داخلہ جاں بحق تھیوݨ آلے لوکاں دے لواحقین نال دلی ہمدردی اتے تعزیت کیتے۔