اسلام آباد۔ 21 نومبر (اے پی پی) پاکستان اسرائیلی قابض فوجاں اتے انتہا پسند آباد کاراں ولوں مقبوضہ مغربی کنارے اچ فلسطینیاں دے خلاف انسانی حقوق دی مسلسل خلاف ورزیاں دی شدید مذمت کیتی جئیں اچ مسجد اقصیٰ تے ولا ولا دھاوا بولوݨ اتے نماز پڑھݨ آلے لوکاں دے خلاف اشتعال انگیزی شامل اے۔ ترجمان دفتر خارجہ طاہر حسین اندرابی جمعہ کوں اتھاں پریس بریفنگ اچ آکھیا جو ایں طرح …
پاکستان دی اسرائیلی قابض فوجاں ولوں فلسطینیاں دے خلاف انسانی حقوق دی مسلسل خلاف ورزیاں دی مذمت
مزید خبراں
اسلام آباد۔ 21 نومبر (اے پی پی) پاکستان اسرائیلی قابض فوجاں اتے انتہا پسند آباد کاراں ولوں مقبوضہ مغربی کنارے اچ فلسطینیاں دے خلاف انسانی حقوق دی مسلسل خلاف ورزیاں دی شدید مذمت کیتی جئیں اچ مسجد اقصیٰ تے ولا ولا دھاوا بولوݨ اتے نماز پڑھݨ آلے لوکاں دے خلاف اشتعال انگیزی شامل اے۔ ترجمان دفتر خارجہ طاہر حسین اندرابی جمعہ کوں اتھاں پریس بریفنگ اچ آکھیا جو ایں طرح دے اقدامات بین الاقوامی قانون اتے اقوام متحدہ دی متعلقہ قرارداداں دی کھلی خلاف ورزی ہن۔ ترجمان ایں گالھ تے زور ݙتا جو مقدس جاہواں دے تقدس کوں بین الاقوامی قانون اتے تاریخی حیثیت دے مطابق یقینی بݨایا ونجے۔ انہاں آکھیا جو پاکستان عالمی برادری توں مقدس جاہواں دے تحفظ کوں یقینی بݨاوݨ، آباد کاراں دے ٻئے تشدد اتے دراندازیاں کوں روکݨ سودھا اقوام متحدہ دی متعلقہ قرارداداں کوں برقرار رکھݨ کیتے تیکھے اتے مؤثر اقدامات کرݨ دا مطالبہ کریندے۔ ترجمان دفتر خارجہ آکھیا جو اساں ݙو ریاستی حل تے مبنی ہک منصفانہ، جامع اتے دیرپا امن دی حمایت اچ آپݨے اصولی موقف کوں دوہریندے جئیں دے نتیجے اچ ہک آزاد، خودمختار، قابل عمل اتے جُڑیا ہویا فلسطین دی ریاست قائم کیتی ونجے جو جون 1967ء توں پہلے دی سرحداں تے مبنی ہووے اتے جئیں دا دارالحکومت القدس الشریف ہووے۔
