صدر مملکت آصف علی زرداری دا خیبر پختونخوا اچ فتنہ الخوارج دے 13 دہشت گرد ہلاک کرݨ تے سکیورٹی فورسز کوں خراج تحسین

اسلام آباد۔ 21 نومبر (اے پی پی) صدر مملکت آصف علی زرداری خیبر پختونخوا اچ انٹیلی جنس تے مبنی کارروائیاں اچ بھارتی پُشت پناہی اچ سرگرم فتنہ الخوارج دے 13 دہشت گرد ہلاک کرݨ تے سکیورٹی فورسز کوں خراج تحسین پیش کیتے۔ ایوان صدر دے میڈیا وِنگ توں جمعہ کوں جاری بیان موجب صدر مملکت پاک فوج اتے قانون نافذ کرݨ آلے اداریاں دی مؤثر انٹیلی جنس بیسڈ کارروائیاں دی تعریف کیتی۔ صدر مملکت آصف علی زرداری آکھیا جو بھارتی سرپرستی اچ سرگرم خوارج دا مکمل قلع قمع ریاستی رَٹ دے نال یقینی بݨایا ویندا پئے، وطنِ عزیز توں بیرونی پُشت پناہی اچ سرگرم دہشت گرداں دا مکمل خاتمہ قومی اتفاقِ رائے نال کیتا ویندا پئے۔ صدر آصف علی زرداری سکیورٹی فورسز دے جواناں دی جُرأت، پیشہ ورانہ مہارت اتے ثابت قدمی کوں زبردست خراج تحسین پیش کیتا۔