اسلام آباد۔22 نومبر (اے پی پی) وفاقی وزیرِ تجارت جام کمال خان اتے سیکرٹری تجارت جواد پال نال نیدرلینڈز دے سفیر رابرٹ جان سئیگریٹ وزارتِ تجارت اچ ملاقات کیتی۔ وزارت تجارت توں جاری بیان موجب ایں موقع تے نیدرلینڈز دے سفیر ݙسایا جو انہاں ہݨے ہی آپݨے سفارتی اسناد پیش کیتن اتے پاکستان اچ ذمہ واریاں سنبھال تے ٻہوں خوشی محسوس کریندے پئن۔ انہاں آکھیا جو پاکستان اچ انہاں دا …
وفاقی وزیرِ تجارت جام کمال خان دی ہالینڈ دے سفیر رابرٹ جان سئیگریٹ نال ملاقات
مزید خبراں
اسلام آباد۔22 نومبر (اے پی پی) وفاقی وزیرِ تجارت جام کمال خان اتے سیکرٹری تجارت جواد پال نال نیدرلینڈز دے سفیر رابرٹ جان سئیگریٹ وزارتِ تجارت اچ ملاقات کیتی۔ وزارت تجارت توں جاری بیان موجب ایں موقع تے نیدرلینڈز دے سفیر ݙسایا جو انہاں ہݨے ہی آپݨے سفارتی اسناد پیش کیتن اتے پاکستان اچ ذمہ واریاں سنبھال تے ٻہوں خوشی محسوس کریندے پئن۔ انہاں آکھیا جو پاکستان اچ انہاں دا گرم جوشی نال استقبال کیتا ڳیا اتے انہاں کوں خوش آمدید آکھیا ڳیا۔ اتھاں بیوروکریسی اتے سیاسی قیادت نال سوکھیں رابطہ کیتا ونڄ سڳدے جیڑھا جو مستقبل اچ سانجھے رابطیں کیتے خوش آئند اے۔ وفاقی وزیرِ تجارت جام کمال خان سفیر دا خیرمقدم کیتا اتے انہاں کیتے نیک خواہشات دا اظہار کیتا۔ وفاقی وزیر ݙسایا جو پاکستان اتے نیدرلینڈز وچال تجارت اچ تنوع گھن آوݨ دے ٻہوں سارے موقع خاص کر زراعت اتے غذائی مصنوعات دے شعبیاں اچ موجود ہن، پاکستان پیداوار اتے معیار کوں بہتر بݨا تے نیدرلینڈز کوں آپݨی برآمدات اچ چنڳا ودھارا کر سڳدے۔ انہاں آکھیا جو چاول پاکستان دی اہم فصل اتے برآمدی مصنوعات وچوں ہک اے جیں اچ مزید امکانات موجود ہن۔ وفاقی وزیرِ تجارت خدمات دے شعبے دی اہمیت کوں وی اُجاگر کریندے آکھیا جو پاکستان دی وݙی نوجوان آبادی دی وجہ توں خدمات دی برآمدات گھٹ وقت اچ چیزاں دی برآمدات توں اڳوں نکل سڳدی اے۔ انہاں نیدرلینڈز دی کمپنی جاز ٹیلی کام دے دیہی علاقیاں اچ ڈیجیٹل مالیاتی شمولیت دے کردار کوں دی وی تعریف کیتی ۔ سفیر ݙسایا جو ݙوہیں ملک تکھے باقاعدہ مذاکرات دے آغاز کیتے تاریخاں کوں چھیکڑ شکل ݙیندے پئن تاں جو تعاون دے نویں شعبیں دا جائزہ ڳھدا ونڄ سڳے۔
