ملتان۔ 23 نومبر (اے پی پی) قائم مقام صدر سید یوسف رضا گیلانی دربار حضرت موسیٰ پاک شہید دا دورہ کیتا، دورے دے موقع تے سجادہ نشین سید ابو الحسن جمال الدین گیلانی قائم مقام صدر دی دستار بندی کیتی۔ اِیں موقع تے قائم مقام صدر سید یوسف رضا گیلانی مزار تے حاضری ݙِتی اَتے دربار دی توسیع دے متعلق مختلف امور دا جائزہ ڳھِدا۔ قائم مقام صدر سید یوسف …
قائم مقام صدر سید یوسف رضا گیلانی دا دربار حضرت موسیٰ پاک شہید دا دورہ
مزید خبراں
ملتان۔ 23 نومبر (اے پی پی) قائم مقام صدر سید یوسف رضا گیلانی دربار حضرت موسیٰ پاک شہید دا دورہ کیتا، دورے دے موقع تے سجادہ نشین سید ابو الحسن جمال الدین گیلانی قائم مقام صدر دی دستار بندی کیتی۔ اِیں موقع تے قائم مقام صدر سید یوسف رضا گیلانی مزار تے حاضری ݙِتی اَتے دربار دی توسیع دے متعلق مختلف امور دا جائزہ ڳھِدا۔ قائم مقام صدر سید یوسف رضا گیلانی مزار اَتے مسجد دے مختلف حصیں دا معائنہ کیتا اَتے توسیعی منصوبے دے تکنیکی پہلوواں تے ڈپٹی کمشنر ملتان وسیم حامد سندھو توں بریفنگ ڳھِدی۔ قائم مقام صدر ہدایت کیتی جو دربار دے توسیعی منصوبے دی رفتار مزید تکھی کیتی ونڄے ، برآمدے کوں مرکزی عمارت وچ رَلاوݨ اَتے مسجد دی تعمیر دے کم دا جلدی آغاز کیتا ونڄے اُنہاں تاکید کیتی جو منصوبے دی معیاری اَتے وقتی تکمیل کیتے ماہر انجینئرز اَتے متعلقہ تکنیکی ماہرین دیاں خدمتاں وقتی حاصل کیتیاں ونڄن۔ اِیں دوران اُنہاں سکیورٹی انتظامات دا وی جائزہ ڳھِدا اَتے ضروری ہدایت جاری کیتیاں۔ ڈپٹی کمشنر وسیم حامد سندھو یقین ݙیوایا جو توسیعی منصوبے تے کم جلدی شروع کر ݙِتا ویسی اَتے سارے مرحلیں دی سَخت مانیٹرنگ کیتی ویسی۔ دورے دے موقع تے سابق ایم پی اے سید احمد مجتبیٰ گیلانی، ڈاکٹر جاوید صدیقی، ایڈمنسٹریٹر اوقاف سید ایاز الحسن گیلانی اَتے سید فیاض الحسن گیلانی اَتے گیلانی خاندان دے لوک موجود ہَن۔
