نائب وزیراعظم اسحاق ڈار وزارت خارجہ وچ پاکستان فارن آفس ویمن ایسوسی ایشن دے سالانہ چیریٹی بازار دا افتتاح کرݙتا

اسلام آباد۔ 23 نومبر(اے پی پی) نائب وزیراعظم/وزیر خارجہ سینیٹر محمد اسحاق ڈار وزارت خارجہ وچ پاکستان فارن آفس ویمن ایسوسی ایشن (پی ایف او ݙبلیو اے) دے سالانہ چیریٹی بازار دا افتتاح کیتا اَتے منتظمین دی سماجی خدمت دے عزم دی تعریف کیتی۔ ترجمان دفتر خارجہ توں ایکس تے جاری پوسٹ موجب نائب وزیراعظم و وزیر خارجہ بطور مہمان خصوصی اپݨے خطاب وچ پی ایف او ڈبلیو اے دی خدمت، معاشرتی شمولیت اَتے انسانیت دوست مقاصد کیتے گھݨے عرصے توں وابستگی دے جذبے دی تعریف کیتی۔ اُنہاں پاکستان بھر وچ پسماندہ طبقیں دی حمایت سودھا سماجی بہبود کیتے فارن سروس برادری، ڈپلومیٹک کور، رضاکاراں اَتے پی ایف او ݙبلیو اے قیادت دی لڳن اَتے خدمات دی تعریف کیتی۔ اُنہاں دنیا بھر دیاں مختلف ثقافتاں اَتے کھاݨیں دی نمائش کرݨ آلے پُر رونق سٹالاں دا دورہ وی کیتا۔ اُنہاں اِیں خاص تقریب دے کامیاب انعقاد تے پی ایف او ݙبلیو اے کوں مبارخ ݙِتی اَتے اِیں موقع تے سارے شرکاء کیتے خوشگوار اَتے بامقصد تجربے دی خواہش کیتی۔