چیئرمین پی سی بی محسن نقوی دی ورلڈ سنوکر چیمپئن شپ جِتݨ تے پاکستانی کھݙاریاں کوں مبارخ

لاہور۔ 23 نومبر (اے پی پی) چیئرمین پی سی بی محسن نقوی ورلڈ ٹیم سنوکر چیمپئن شپ جِتݨ تے پاکستانی کھݙاریاں محمد آصف اَتے اسجد اقبال کوں مبارخ ݙِتی اے۔ اُنہاں آکھیا جو محمد آصف اَتے اسجد اقبال ورلڈ چیمپئن شپ جِت تے پاکستان دا ناں روشن کیتا، ݙوہیں کھݙاریاں بہترین کھیݙ دا مظاہرہ کرتے فائنل وچ فتح حاصل کیتی۔ اُنہاں آکھیا جو پاکستان دے کھݙاریاں ہِک واری ول ساوے ہلالی پرچم کوں اُچا کیتا۔ پاکستان ہر میدان وچ کامیابیاں حاصل کریندا پئے۔