وزیراعظم محمد شہباز شریف دی ضمنی الیکشن اِچ مسلم لیگ(ن) دے امیدواراں کوں شاندار کامیابی تے مُبارکباد

اسلام آباد۔ 24 نومبر (اے پی پی) وزیراعظم محمد شہباز شریف ضمنی الیکشن اِچ قومی اسمبلی دے حلقہ این اے 104، این اے 18، این اے 96 تے پنجاب اسمبلی دے حلقہ پی پی 115، پی پی 98 تے پی پی 73 توں مسلم لیگ(ن) دے امیدواراں کوں شاندار کامیابی تے مبارکباد ڈِتی اے۔ سنوار کوں پی ایم آفس دے میڈیا ونگ توں جاری بیان موجب، وزیراعظم محمد شہباز شریف ضمنی الیکشن اِچ قومی اسمبلی دے حلقہ این اے 104 فیصل آباد توں مسلم لیگ(ن) دے امیدوار دانیال احمد، این اے 18 ہری پور توں بابر نواز خان، این اے 96 فیصل آباد توں محمد بلال بدر، پنجاب اسمبلی دے حلقہ پی پی 115 فیصل آباد توں محمد طاہر پرویز، پی پی 98 فیصل آباد توں آزاد علی تبسم تے پی پی 73 سرگودھا توں میاں سلطان علی رانجھا کوں کامیابی تے مبارکباد ݙیندیں ہوئیں آکھیا جو ضمنی الیکشن اِچ کامیابی قائد محمد نواز شریف دے وژن، اُنہاں دی بے مثال قیادت تے پارٹی کارکنان دی محنت دی بدولت حاصل تھئی اے، ضمنی الیکشن اچ کامیابی وزیرِ اعلیٰ پنجاب مریم نواز دی صوبے دے عوام دی ترقی کیتے رات ݙینھ دی محنت تے عوام دے اعتماد دی عکاسی اے۔ بلا شبہ، ضمنی الیکشن اِچ فتح مسلم لیگ (ن) دے عوامی خدمت دے جذبے تے حکومتی کارکردگی تے عوام دے اعتماد دی مظہر اے۔ وزیراعظم محمد شہباز شریف آکھیا اے جو ضمنی الیکشن اِچ عوام مسلم لیگ (ن) دے عوامی خدمت دے جذبے تے اعتماد دا اظہار کیتے، اُنہاں آکھیا جو مسلم لیگ (ن) دے جِتن آلے سارے ارکان آپݨے آپݨے حلقیاں دی ترجمانی کریندیں ہوئیں عوامی خدمت اچ رات ݙینھ محنت کریسن۔