حکومت مُلک توں دہشتگردی دے مُکمل خاتمے کیتے پر عزم اے، وزیراعظم شہباز شریف دی پشاور اِچ فیڈرل کانسٹیبلری دے ہیڈ کوارٹر تے حملے دی مذمت

اسلام آباد۔ 24 نومبر (اے پی پی) وزیراعظم محمد شہباز شریف پشاور اِچ فیڈرل کانسٹیبلری دے ہیڈ کوارٹر تے دہشتگرد حملے دی شدید مذمت کریندیں ہوئیں آکھیا جو حکومت مُلک توں دہشتگردی دے مُکمل خاتمے کیتے پر عزم اے۔ سنوار کوں وزیراعظم آفس دے میڈیا ونگ ولوں جاری بیان موجب وزیراعظم آکھیا جو سکیورٹی فورسز دی بروقت کارروائی دی بدولت وݙے نقصان توں بچ ڳئے ، واقعے دے ذمہ داراں دی جلدی توں جلدی شناخت کر تے اُنہاں کوں کیفر کردار تئیں پُڄایا ونڄے۔ پاکستان دی سالمیت تے حملہ کرݨ آلے دہشتگرداں دے مذموم ارادیاں کوں مِٹی اِچ ملا ݙیسوں، وزیراعظم زخمیاں کوں جلدی طبی امداد ݙیوݨ دی ہدایت کیتی اتے زخمیاں دے جلدی توں جلدی صحت یاب تھیوݨ دی دعا کیتی۔