راولپنڈی۔ 24 نومبر (اے پی پی) چیف آف آرمی سٹاف فیلڈ مارشل سید عاصم منیر نشان امتیاز (ملٹری) تے ہلال جرأت نال سعودی مسلح افواج دے چیف آف جنرل سٹاف جنرل فیاض بن حمید الروائیلی ملاقات کیتی جنہوں سویرے جی ایچ کیو دا دورہ کیتا۔ پاک فوج دے شعبہ تعلقات عامہ (آئی ایس پی آر) موجب ملاقات دے دوران ڈوہیں رہنماواں آپسی دلچسپی دے معاملیاں اُتے گالھ مہاڑ کیتی جیندے …
چیف آف آرمی سٹاف فیلڈ مارشل سید عاصم منیر نشان امتیاز نال سعودی مسلح افواج دے چیف آف جنرل سٹاف جنرل فیاض بن حمید الروائیلی دی ملاقات
مزید خبراں
راولپنڈی۔ 24 نومبر (اے پی پی) چیف آف آرمی سٹاف فیلڈ مارشل سید عاصم منیر نشان امتیاز (ملٹری) تے ہلال جرأت نال سعودی مسلح افواج دے چیف آف جنرل سٹاف جنرل فیاض بن حمید الروائیلی ملاقات کیتی جنہوں سویرے جی ایچ کیو دا دورہ کیتا۔ پاک فوج دے شعبہ تعلقات عامہ (آئی ایس پی آر) موجب ملاقات دے دوران ڈوہیں رہنماواں آپسی دلچسپی دے معاملیاں اُتے گالھ مہاڑ کیتی جیندے اچ پاکستان اتے سعودی عرب وچال سٹریٹجک عسکری تعاون کوں ٻیا مضبوط بݨاوݨ اُتے خاص زور ݙتا گیا۔
ملاقات اچ دفاعی تعاون، سکیورٹی شراکت داری اتے دہشت گردی دے خلاف سانجھی کوششاں کوں ݙو پاسہ تعلقات دا اہم ستون قرار ݙتا گیا۔ سعودی مہمان سعودی مسلح افواج نال مختلف شعبیاں اچ پاکستان دے تعاون دی تعریف کیتی اتے ݙوہیں ملکاں وچال مضبوط تعلقات کوں ٻیا ودھاوݨ دے عزم دا اظہار کیتا۔ ایں توں پہلے جی ایچ کیو آوݨ تے جنرل فیاض بن حمید الروائیلی یادگار شہداء اُتے پھلاں دی چادر چڑھائی، پاک فوج دے چاک و چوبند دستے اُنہاں کوں گارڈ آف آنر پیش کیتا۔
