سکیورٹی فورسز ولوں ضلع بنوں اچ فتنہ الخوارج دے دہشت گرداں دی موجودگی دی اطلاع تے آپریشن، 22 خوارجی جہنم واصل کر ݙتے، آئی ایس پی آر

اسلام آباد۔ 25 نومبر (اے پی پی) سکیورٹی فورسز ضلع بنوں اچ خوارج (فتنہ الخوارج) توں تعلق رکھݨ آلے بھارتی پراکسی دہشت گرداں دی موجودگی دی اطلاع تے ہک انٹیلی جنس بیسڈ آپریشن کیتا جئیں اچ خوارج دے ٹکاݨے کوں مؤثر انداز اچ نشانہ بݨایا، شدید فائرنگ دے تبادلے توں بعد 22 خوارج کوں جہنم واصل کر ݙتا ڳیا۔ آئی ایس پی آر دے مطابق علاقے اچ موجود کہیں وی ٻئے بھارتی سپانسرڈ خارجی دہشت گرد دے خاتمے کیتے کلیئرنس (سینیٹائزیشن) آپریشن جاری اے۔ سکیورٹی فورسز اتے قانون نافذ کرݨ آلے اداریاں ولوں ’’عزمِ استحکام‘‘ دے وژن (جیڑھا فیڈرل ایپکس کمیٹی، نیشنل ایکشن پلان دے تحت منظور شدہ اے) دے تحت جاری انسداد دہشت گردی مہم پوری رفتار نال جاری رہسی تانجو ملک توں غیر ملکی سرپرستی اتے معاونت نال چلݨ آلے دہشت گردی دے ناسور دا مکمل خاتمہ کیتا ونڄ سڳے۔