ریاض۔ 25 نومبر (اے پی پی) وفاقی وزیر داخلہ محسن نقوی آپݨے دورہ سعودی عرب دے دوران سعودی وزیر داخلہ شہزادہ عبدالعزیز بن سعود بن نائف نال اہم ملاقات کیتی، جیندے اچ ݙوپاسہ سکیورٹی تعاون کوں ٻیا مضبوط بݨاوݨ، پولیس اتے پیرا ملٹری فورسز وچال ٹریننگ ایکسچینج پروگرام اتے علاقائی سلامتی دے معاملیاں تے تفصیلی ڳالھ مہاڑ کیتی ڳئی۔ ملاقات اچ برمی (روہنگیا) مسلماناں دے لیگل سٹیٹس دے دیرینہ مسئلے …
وفاقی وزیر داخلہ محسن نقوی دی سعودی وزیر داخلہ شہزادہ عبدالعزیز بن سعود بن نائف نال اہم ملاقات، سکیورٹی تعاون، روہنگیا مسلماناں اتے تربیتی پروگرامز تے ڳالھ مہاڑ
مزید خبراں
ریاض۔ 25 نومبر (اے پی پی) وفاقی وزیر داخلہ محسن نقوی آپݨے دورہ سعودی عرب دے دوران سعودی وزیر داخلہ شہزادہ عبدالعزیز بن سعود بن نائف نال اہم ملاقات کیتی، جیندے اچ ݙوپاسہ سکیورٹی تعاون کوں ٻیا مضبوط بݨاوݨ، پولیس اتے پیرا ملٹری فورسز وچال ٹریننگ ایکسچینج پروگرام اتے علاقائی سلامتی دے معاملیاں تے تفصیلی ڳالھ مہاڑ کیتی ڳئی۔ ملاقات اچ برمی (روہنگیا) مسلماناں دے لیگل سٹیٹس دے دیرینہ مسئلے دے حل تے وی گالھ کیتی ڳئی۔ سعودی وزیر داخلہ ایں اہم انسانی مسئلے کوں اجاگر کرݨ اتے اوندے حل کیتے کوششاں تے وفاقی وزیر داخلہ محسن نقوی دا شکریہ ادا کیتا۔ ایں موقع تے سعودی وزیر داخلہ فیڈرل کانسٹیبلری دے ہیڈ کوارٹر تے حملے اچ شہید تھیوݨ آلے اہلکاراں دی فیملیز نال وی تعزیت دا اظہار کیتا۔ ݙوہیں ملکاں وچال وزارت داخلہ دے ورکنگ گروپ دا اجلاس اگلے مہینے کراݨ دا وی فیصلہ کیتا ڳیا۔ محسن نقوی آکھیا جو سعودی عرب ہر پاکستانی دا ݙوجھا گھر اے اتے اساکوں سعودی عرب دے نال آپݨے دیرینہ، مضبوط اتے پائیدار تعلقات تے فخر اے۔ ملاقات اچ وفاقی سیکرٹری داخلہ محمد خرم آغا، پاکستان دے سفیر احمد فاروق، کمانڈنٹ فیڈرل کانسٹیبلری نذیر گاڑا، کمانڈنٹ نیشنل پولیس اکیڈمی محمد ادریس اتے سعودی وزارت داخلہ دے اعلیٰ حکام وی موجود ہن۔
