وزیراعظم شہباز شریف نال وفاقی وزیر چوہدری سالک حسین دی ملاقات

اسلام آباد۔ 25 نومبر (اے پی پی) وزیراعظم محمد شہباز شریف نال وفاقی وزیر برائے بیرون ملک پاکستانی تے انسانی وسائل دی ترقی چوہدری سالک حسین ملاقات کیتی۔ وزیر اعظم آفس دے میڈیا ونگ ولوں منگل کوں جاری بیان موجب وفاقی وزیر چوہدری سالک حسین وزیراعظم کوں آپݨی وزارت نال جُڑیے معاملیاں تے بریف کیتا۔ وزیراعظم ٻاہرلے ملک پاکستانیاں کوں پیش آوݨ آلے مسئلیاں کوں حل کرݨ کیتے وزارت ولوں چاتے ڳئے اقدامات تے اطمینان دا اظہار کیتا۔ ملاقات اچ ٻئے معاملیاں تے وی ڳالھ مہاڑ کیتی ڳئی۔