وفاقی وزیر عبدالعلیم خان دا اسلام آباد مری ایکسپریس وے دا دورہ، تزئین و آرائش، بہتری اتے بحالی دے کماں دا معائنہ

اسلام آباد۔ 25 نومبر(اے پی پی)وفاقی وزیر مواصلات عبدالعلیم خان اسلام آباد – مری ایکسپریس وے دا دورہ کیتا اتے اُتھاں جاری تزئین و آرائش، بہتری اتے بحالی دے کماں دا تفصیلی معائنہ کیتا۔ وفاقی وزیر ایکسپریس وے تے قائم ریسٹ ایریاز وی ݙٹھے اتے ایں بارے موقع تے متعلقہ حکام کوں ضروری ہدایات ݙتن تاں جو مسافراں کوں بہتر سہولتاں ملن۔ وفاقی وزیر سیکرٹری مواصلات کوں ہدایت کیتی جو او آپ انہاں کماں دی نگرانی کرن تاں جو معیار تے کوئی سمجھوتہ نہ کیتا ونجے۔ انہاں اسلام آباد مری ایکسپریس وے دے باقی بچݨ آلے کماں کوں تیکھے مکمل کرݨ اتے کئی امور کوں حتمی شکل ݙیوݨ دی وی ہدایت کیتی۔ این ایچ اے حکام وفاقی وزیر عبدالعلیم خان کوں منصوبے تے پیش رفت دا ݙسایا۔ بریفنگ اچ ݙسایا ڳیا جو نویاں لائٹاں لاوݨ دا کم مکمل تھی چُکیے جݙاں جو ایکسپریس وے دے ݙوہیں پاسو خوبصورتی دا کم آخری مرحلیں اچ اے۔ وفاقی وزیر عبدالعلیم خان آکھیا جو معیار اتے محفوظ سفر تے کہیں قسم دا سمجھوتہ نا کیتا ویسی۔