وزیراعظم نال 7 نو منتخب ارکان قومی اسمبلی دی ملاقات

اسلام آباد۔ 25 نومبر(اے پی پی)وزیراعظم محمد شہباز شریف نال نویں منتخب تھئے 7 ارکان قومی اسمبلی بابر نواز، بلال فاروق تارڑ، بلال بدر، راجہ دانیال، حافظ نعمان، چوہدری طفیل جٹ اتے محمود قادر ملاقات کیتی۔ وزیر اعظم آفس دے میڈیا ونگ دے مطابق وزیراعظم نویں منتخب اراکین قومی اسمبلی کوں ضمنی انتخابات اچ کامیابی تے مبارکباد ݙیندے اپݨیاں نیک خواہشات پچایاں۔ وزیراعظم آکھیا جو مسلم لیگ ن دے امیدواراں کوں ضمنی انتخابات اچ کامیابی قائد میاں محمد نواز شریف دے وژن، انہاں دی بے مثال قیادت اتے پارٹی کارکناں دی محنت دی برکت نال ملی اے، اے کامیابی وزیراعلیٰ پنجاب مریم نواز دی صوبے دے عوام دی خوشحالی و ترقی کیتے محنت اتے عوام دے اعتماد کوں ݙکھیندی اے۔ وزیراعظم امید کیتی جو نویں منتخب ارکان قومی اسمبلی اپݨے حلقے دے عوام دی چنڳائی کیتے دل نال کم کریسن۔ او پاکستان دی ترقی و خوشحالی اتے عوامی فلاح و بہبود دے حوالے نال قانون بݨاوݨ اچ بھرپور ہتھ ونݙیسن اتے اپݨا اہم کردار ادا کریسن۔ ملاقات اچ نائب وزیراعظم و وزیر خارجہ اسحاق ڈار، وفاقی وزیر منصوبہ بندی احسن اقبال، وفاقی وزیر اطلاعات و نشریات عطاء اللہ تارڑ، وفاقی وزیر پاور ڈویژن سردار اویس خان لغاری وی موجود ہن۔