چیئرمین جوائنٹ چیفس آف سٹاف کمیٹی جنرل ساحر شمشاد مرزا دا ایئر ہیڈ کوارٹرز دا الوداعی دورہ

اسلام آباد۔ 25 نومبر(اے پی پی)چیئرمین جوائنٹ چیفس آف سٹاف کمیٹی جنرل ساحر شمشاد مرزا ایئر ہیڈ کوارٹرز اسلام آباد دا الوداعی دورہ کیتے۔ سربراہ پاک فضائیہ ائیر چیف مارشل ظہیر احمد بابر سدھو انہاں دا استقبال کیتا۔ ایئر ہیڈ کوارٹرز آوݨ تے پاک فضائیہ دے ہک چاک و چوبند دستے معزز مہمان کوں گارڈ آف آنر پیش کیتا۔ آئی ایس پی آر دے مطابق، بعد اچ چیئرمین جوائنٹ چیفس آف سٹاف کمیٹی سربراہ پاک فضائیہ نال انہاں دے دفتر اچ ملاقات کیتی۔ ائیر چیف مارشل ظہیر احمد بابر سدھو چیئرمین جوائنٹ چیفس آف سٹاف کمیٹی دی مثالی خدمتاں اتے تریے مسلح افواج اچ ہم آہنگی کوں مضبوط بݨاوݨ اچ انہاں دے اہم کردار دی تعریف کیتی۔ سربراہ پاک فضائیہ قومی دفاع کیتے جنرل ساحر شمشاد مرزا دیاں نمایاں خدمتاں کوں وی سراہیا اتے دہشت گردی دی لعنت مکاوݨ کیتے مسلح افواج دے نال رَل تے کم جاری رکھݨ دے پاک فضائیہ دے پکے عزم کوں دوہرایا۔ چیئرمین جوائنٹ چیفس آف سٹاف کمیٹی پاک فضائیہ دیاں جنگی تیاریاں، عملی مہارت، جدت طرازی اتے اپ گریڈیشن دے اقدامات تے اطمینان کیتا۔ انہاں پاکستان دیاں فضائی سرحداں دی حفاظت اچ پاک فضائیہ دے اہلکاراں دی پیشہ ورانہ مہارت و لڳن کوں سراہیا اتے دہشت گردی دے عفریت دے خلاف قومی جنگ اچ پاک فضائیہ دے اہم کردار دی تعریف کیتی۔ انہاں پاکستان دیاں تریے مسلح افواج وچال موجودہ ہم آہنگی کوں وی سراہیا اتے اے یقین ݙکھایا جو اے تعاون مستقبل اچ ٻیا ودھسی۔ جنرل ساحر شمشاد مرزا پاک فضائیہ دی بھرپور حمایت تے ایئر چیف دا شکریہ ادا کریندے پی اے ایف اتے ایندی قیادت کیتے نیک خواہشات پچائن۔