اسلام آباد۔ 25 نومبر(اے پی پی)پاکستان اتے ایران زراعت، مواصلات سودھا آپسی طور تے فیدہ ݙیوݨ آلے مختلف شعبیاں اچ ݙو طرفہ تعلقات کوں ودھاوݨ تے اتفاق کیتے۔ وزیراعظم محمد شہباز شریف نال ایران دی سپریم نیشنل سکیورٹی کونسل دے سیکرٹری علی اردشیر لاریجانی وزیراعظم ہاؤس اچ ملاقات کیتی۔ ڈاکٹر لاریجانی ایں ویلھے پاکستان دے سرکاری دورے تے ہن۔ وزیراعظم آفس دے میڈیا ونگ دی طرفوں جاری بیان دے مطابق، …
وزیراعظم محمد شہباز شریف نال ایران دی سپریم نیشنل سکیورٹی کونسل دے سیکرٹری علی اردشیر لاریجانی دی ملاقات
مزید خبراں
اسلام آباد۔ 25 نومبر(اے پی پی)پاکستان اتے ایران زراعت، مواصلات سودھا آپسی طور تے فیدہ ݙیوݨ آلے مختلف شعبیاں اچ ݙو طرفہ تعلقات کوں ودھاوݨ تے اتفاق کیتے۔ وزیراعظم محمد شہباز شریف نال ایران دی سپریم نیشنل سکیورٹی کونسل دے سیکرٹری علی اردشیر لاریجانی وزیراعظم ہاؤس اچ ملاقات کیتی۔ ڈاکٹر لاریجانی ایں ویلھے پاکستان دے سرکاری دورے تے ہن۔ وزیراعظم آفس دے میڈیا ونگ دی طرفوں جاری بیان دے مطابق، وزیراعظم ایرانی مہمان دا خیرمقدم کریندے ہوئیں ݙوہاں ملکاں وچال تاریخی اتے نیڑے دے برادرانہ تعلقات دی اہمیت کوں اڳونہا کیتا اتے مختلف شعبیاں اچ ݙو طرفہ تعلقات کوں مزید مضبوط اتے وسیع کرݨ تے زور ݙتا۔ ڈاکٹر لاریجانی وی وݙے اتے آپسی طور تے فیدہ ݙیوݨ آلے شعبیاں اچ پاکستان ایران تعلقات کوں ودھاوݨ دی لوڑھ تے زور ݙتا۔ فریقین اہم علاقائی اتے بین الاقوامی پیش رفت تے وی ڳالھ مہاڑ کیتی جݙاں جو خطے اچ امن و استحکام کوں ودھاوݨ کیتے کٹھیاں کوششاں دی اہمیت تے زور ݙتا۔ وزیراعظم علاقائی مسئلیاں تے ایران دے اصولی مؤقف کوں سراہیا اتے اوکھے ویلھے اچ پاکستان نال ایران دی یکجہتی تے شکریہ ادا کیتا۔ انہاں ݙوہاں ملکاں دے پرامن اتے خوشحال مستقبل کیتے ایران نال رَل تے کم کرݨ کیتے پاکستان دے عزم کوں دوہرایا۔ ڈاکٹر لاریجانی حالیہ 12 ݙینہاں دی جنگ اچ ایران دی پکی حمایت تے پاکستانی قوم اتے قیادت دا شکریہ ادا کیتا اتے تنازعاں دے پرامن حل کیتے مذاکرات اتے سفارتکاری دی وکالت اچ پاکستان دے تعمیری کردار کوں سراہیا۔ وزیراعظم ایران دے سپریم لیڈر سید علی خامنہ ای اتے صدر مسعود پیزشکیان کیتے احترام اتے نیک خواہشات دا اظہار کیتا اتے پاکستان دی حمایت اتے پاکستان-ایران تعلقات کوں مضبوط بݨاوݨ دے عزم تے انہاں دا شکریہ ادا کیتا۔ ملاقات اچ اتفاق تھیا جو نائب وزیراعظم اتے وزیر خارجہ اسحاق ڈار دی قیادت اچ ہک وفد جلدی ایران دا دورہ کریسی تانجو ݙوہاں ملکاں وچال مختلف شعبیاں خاص طور تے زراعت اتے روابط/مواصلات اچ تعاون کوں مزید ودھایا ونڄ سڳے۔
