صحافیاں دے مسئلیاں دے حل کیتے حکومت پاکستان دا اہم قدم، کمیشن فار دی پروٹیکشن آف جرنلسٹس اینڈ میڈیا پروفیشنلز کم شروع کر ݙتے

اسلام آباد۔ 25 نومبر(اے پی پی)کمیشن فار دی پروٹیکشن آف جرنلسٹس اینڈ میڈیا پروفیشنلز باقاعدہ کم شروع کر ݙتے۔ اے کمیشن حکومت پاکستانولوں صحافیاں دے مسئلیاں دے حل کیتے ہک اہم قدم اے۔ کمیشن فار دی پروٹیکشن آف جرنلسٹس اینڈ میڈیا پروفیشنلز دے اعلامیہ دے مطابق، وفاقی وزیر اطلاعات عطاء اللہ تارڑ دی ذاتی کوششاں نال کمیشن دے ممبراں دا نوٹیفیکیشن جاری کیتا ڳیا جیندے بعد کمیشن دا پہلا باضابطہ اجلاس کمال الدین ٹیپو دی صدارت اچ تھیا۔ اے کمیشن حکومت پاکستان ولوں عالمی معیار اتے بہترین عالمی پریکٹیسز کوں سامݨے رکھدے ہوئیں ٻݨایا ڳئے۔ صحافیاں دے آزادانہ اتے خودمختارانہ کم کوں یقینی بݨاوݨ کمیشن دی روح اے۔ کمیشن صحافیاں دے تحفظ دے حوالے نال آزادانہ اتے شفاف طریقے نال کم کریسی۔ کمیشن شکایتاں دا نظام بݨا ݙتے جݙاں جو کمیشن دے قاعدے اتے ضابطے بݨاوݨ کیتے کمیٹی وی قائم کر ݙتی ڳئی اے۔ کمیشن ڈیجیٹائزیشن دے ذریعے ویب پورٹل اتے جدید طریقے اپنیسی جݙاں جو ٹریننگ اتے سیمینارز وی کرائے ویسن۔ کمیشن دے اجلاس اچ پرنسپل انفارمیشن آفیسر اتے ڈی جی انسانی حقوق کمیشن، پورے ملک دیاں مرکزی نمائندہ صحافتی تنظیماں نال تعلق رکھݨ آلے بورڈ ممبران نواز رضا، خلیل احمد، طاہر حسن، نوید اکبر، حسن عباس، تمثیلہ قریشی اتے نادیہ صبوحی شرکت کیتی۔