سپیکر قومی اسمبلی سردار ایاز صادق نال متحدہ عرب امارات دے سفیر سالم محمد سالم الزعابی دی ملاقات

اسلام آباد۔ 26 نومبر (اے پی پی) سپیکر قومی اسمبلی سردار ایاز صادق نال متحدہ عرب امارات دے سفیر سالم محمد سالم الزعابی بدھ کوں ملاقات کیتی جئیں اچ ݙو پاسہ تعلقات سودھے آپسی دلچسپی دے معاملیاں تے ڳالھ مہاڑ کیتی ڳئی۔ ایں موقع تے سپیکر سردار ایاز صادق آکھیا جو پاکستان اتے متحدہ عرب امارات نیڑے دے برادر اسلامی ملک ہن۔ پاکستان امارات نال برادرانہ تعلقات کوں قدر دی نظر نال ݙیکھدے۔ یو اے ای اچ رہݨ آلی پاکستانی کمیونٹی دی شاندار میزبانی تے پاکستان امارات دا شکر گزار اے۔ پارلیمانی تعاون نال ݙو پاسہ رابطے ٻئے مضبوط تھیسن۔ انہاں آکھیا جو ݙوہیں ملکاں دے سانجھے مفادات خطے اچ استحکام دے ضامن ہن۔ ایں موقع تے متحدہ عرب امارات دے سفیر آکھیا جو پاکستان اساݙے کیتے ٻہوں محترم اتے نیڑے دا ملک اے۔ ݙوہیں ملکاں دے تعلقات تاریخی اتے آپسی اعتماد تے مبنی ہن۔ پاکستانی تارکین وطن یو اے ای دی ترقی اچ اہم کردار ادا کریندے پئن۔ ملاقات اچ تجارت، سرمایہ کاری اتے افرادی قوت دے شعبیاں اچ تعاون ودھاوݨ تے اتفاق کیتا ڳیا۔