راولپنڈی۔ 26 نومبر(اے پی پی)چیف آف آرمی سٹاف فیلڈ مارشل سید عاصم منیر پاکستان دے علاقائی امن و استحکام دے عزم کوں دوہریندے دہشت گردی دے خلاف ایران نال تکڑے تعاون دی لوڑھ تے زور ݙتے۔ ٻدھ کوں پاک فوج دے شعبہ تعلقات عامہ (آئی ایس پی آر) ولوں جاری بیان موجب، چیف آف آرمی سٹاف فیلڈ مارشل سید عاصم منیر نال ایران دی سپریم نیشنل سکیورٹی کونسل دے سیکرٹری …
چیف آف آرمی سٹاف فیلڈ مارشل سید عاصم منیر دی ایران دی سپریم نیشنل سکیورٹی کونسل دے سیکرٹری علی اردشیر لاریجانی نال ملاقات
مزید خبراں
راولپنڈی۔ 26 نومبر(اے پی پی)چیف آف آرمی سٹاف فیلڈ مارشل سید عاصم منیر پاکستان دے علاقائی امن و استحکام دے عزم کوں دوہریندے دہشت گردی دے خلاف ایران نال تکڑے تعاون دی لوڑھ تے زور ݙتے۔ ٻدھ کوں پاک فوج دے شعبہ تعلقات عامہ (آئی ایس پی آر) ولوں جاری بیان موجب، چیف آف آرمی سٹاف فیلڈ مارشل سید عاصم منیر نال ایران دی سپریم نیشنل سکیورٹی کونسل دے سیکرٹری علی اردشیر لاریجانی جنرل ہیڈکوارٹرز (جی ایچ کیو) راولپنڈی اچ ملاقات کیتی۔ ملاقات اچ ݙوطرفہ تعاون، علاقائی سکیورٹی دے معاملے سودھا پاکستان اَتے ایران وچال تعلقات کوں مضبوط بݨاوݨ دی اہمیت تے گالھ مہاڑ کیتی ڳئی۔ ملاقات اچ خطے دی موجودہ سکیورٹی صورتحال تے وی ڳالھ تھئی۔ فیلڈ مارشل پاکستان دے علاقائی امن و استحکام دے عزم کوں دہراویندے ہوئیں دہشت گردی دے خلاف ایران نال ودھ تعاون تے زور ݙیندے بدلدی ہوئی جغرافیائی سیاسی صورتحال سانڳے سٹریٹجک تعاون دی ودھدی اہمیت کوں اڳونہا کیتے۔ علی لاریجانی خطے اچ امن و سلامتی کوں یقینی بݨاوݨ اچ پاکستان دے اہم کردار کوں سراہیا اَتے ایران-پاکستان تعلقات کوں مزید ودھاوݨ دا عزم دوہرائے۔ انہاں علاقائی چیلنجز نال نبڑݨ اَتے دیرپا استحکام کیتے ݙوہاں ملکاں وچال گالھ مہاڑ اَتے شراکت داری دی اہمیت تے زور ݙیتا۔
