اسلام آباد۔ 27 نومبر (اے پی پی) فیڈرل انویسٹی گیشن ایجنسی (ایف آئی اے) مسافراں دی آف لوڈنگ دے حوالے نال سوشل میڈیا تے گھمدی من گھڑت اَتے گمراہ کن خبراں کوں مسترد کریندیں ہوئیں واضح کیتے جو کہیں وی مسافر کوں بغیر وجہ یا ذاتی بنیاد تے آف لوڈ نئی کیتا ویندا۔ ایف آئی اے ولوں جاری عوامی آگاہی سنیھے اچ آکھیا ڳیا جو کجھ عنصر سوشل میڈیا دے …
سوشل میڈیا تے گمراہ کن پروپیگنڈا، مسافراں کوں بغیر وجہ آف لوڈ نئی کیتا ویندا، ایف آئی اے
مزید خبراں
اسلام آباد۔ 27 نومبر (اے پی پی) فیڈرل انویسٹی گیشن ایجنسی (ایف آئی اے) مسافراں دی آف لوڈنگ دے حوالے نال سوشل میڈیا تے گھمدی من گھڑت اَتے گمراہ کن خبراں کوں مسترد کریندیں ہوئیں واضح کیتے جو کہیں وی مسافر کوں بغیر وجہ یا ذاتی بنیاد تے آف لوڈ نئی کیتا ویندا۔ ایف آئی اے ولوں جاری عوامی آگاہی سنیھے اچ آکھیا ڳیا جو کجھ عنصر سوشل میڈیا دے ذریعے ایجھے کوڑی اَتے من گھڑت دعوے کھنڈیندے پئن جو ادارہ بلاوجہ مسافراں کوں آف لوڈ کریندا پئے، جئیں دا مقصد ادارے دی ساکھ کوں نقصان پُچاوݨ اَتے عوام اچ خوف و ہراس کھنڈاوݨ اے۔ ایف آئی اے واضح کیتا جو او صرف انہاں مسافراں کوں آف لوڈ کریندے جنہاں دے سفری دستاویزات مشکوک، نامکمل یا جعلی ہوون، یا جنہاں دا سفر دا مقصد غیر واضح یا قانون دے خلاف ہووے۔ ایف آئی اے دے مطابق مسافراں کوں آف لوڈ کیتے ونڄݨ دی کجھ اہم وجہ اے ہن جئیں اچ جعلی یا نامکمل پاسپورٹ/ویزا، سفر دے مقصد بارے مشکوک معلومات، انسانی اسمگلنگ یا غیر قانونی نیٹ ورک نال تعلق دا شبہ، بلیک لسٹ یا واچ لسٹ اچ ناں شامل ہووݨ اَتے ماضی اچ کہیں غیر قانونی سرگرمی اچ ملوث ہووݨ۔ ایف آئی اے عوام کوں خبردار کیتے جو غیر قانونی ٹریول ایجنٹس اَتے جعلی مشیراں تے ہرگز اعتماد نہ کرن اَتے بیرون ملک سفر توں پہلے آپݨے سارے کاغذات دی مکمل تصدیق یقینی بݨاون۔ رہنمائی کیتے ایئرپورٹ تے موجود ڈپٹی ڈائریکٹر امیگریشن نال یا ایف آئی اے دی ہیلپ لائن 1991 تے رابطہ کیتا ونڄ سڳدے۔
