اسلام آباد۔ 28 نومبر (اے پی پی) وفاقی وزیر داخلہ محسن نقوی اَتے آسٹریلیا دے وزیر داخلہ ٹونی برک وچال وڈیو لنک دے ذریعے اہم ملاقات تھئی، جیں اچ آپسی دلچسپی دے امور اَتے سکیورٹی تعاون تے تفصیلی ڳالھ مہاڑ کیتی ڳئی۔ وڈیو کانفرنس اچ پاکستان اَتے آسٹریلیا وچال غیر قانونی امیگریشن دی روک تھام کیتے سانجھ ودھاوݨ تے اتفاق کیتا ڳیا۔ ݙوہیں ملکاں ایں ڳالھ تے زور ݙتا جو …
وفاقی وزیر داخلہ محسن نقوی دی آسٹریلوی ہم منصب ٹونی برک نال وڈیو لنک ملاقات، غیر قانونی امیگریشن دی روک تھام اَتے آسٹریلوی کرکٹ ٹیم دے آوݨ آلے دورہ پاکستان بارے ڳالھ مہاڑ
مزید خبراں
اسلام آباد۔ 28 نومبر (اے پی پی) وفاقی وزیر داخلہ محسن نقوی اَتے آسٹریلیا دے وزیر داخلہ ٹونی برک وچال وڈیو لنک دے ذریعے اہم ملاقات تھئی، جیں اچ آپسی دلچسپی دے امور اَتے سکیورٹی تعاون تے تفصیلی ڳالھ مہاڑ کیتی ڳئی۔ وڈیو کانفرنس اچ پاکستان اَتے آسٹریلیا وچال غیر قانونی امیگریشن دی روک تھام کیتے سانجھ ودھاوݨ تے اتفاق کیتا ڳیا۔ ݙوہیں ملکاں ایں ڳالھ تے زور ݙتا جو انسانی اسمگلنگ اَتے غیر قانونی نقل و حرکت دے خلاف مشترکہ حکمتِ عملی اپنائی ونجے۔ وڈیو کانفرنس دے دوران پولیس اَتے پیرا ملٹری فورسز دے افسران دی ادارہ جاتی استعداد کار اچ ٻئی بہتری کیتے تربیتی پروگرامز شروع کرݨ تے وی ڳالھ مہاڑ کیتی ڳئی۔ ایں دے علاوہ نیشنل سائبر کرائمز انویسٹی گیشن ایجنسی اَتے ایف آئی اے دے نال آسٹریلوی اداریاں وچال تعاون ودھاوݨ دے امکانات تے وی ڳالھ تھئی۔ ݙوہیں وزرائے داخلہ ݙو پاسہ تعاون کوں ٻیا مؤثر بݨاوݨ کیتے مشترکہ ورکنگ گروپ قائم کرݨ دا فیصلہ وی کیتے۔ ملاقات اچ آسٹریلیا دی کرکٹ ٹیم دے آوݨ آلے دورہ پاکستان دے حوالے نال وی ڳالھ مہاڑ کیتی ڳئی جئیں تے وزیر داخلہ محسن نقوی آسٹریلوی ہم منصب کوں ٹیم کیتے کیتے ویندے سکیورٹی انتظامات توں آگاہ کیتے۔ چھیکڑ اچ وفاقی وزیر داخلہ محسن نقوی آسٹریلوی وزیر داخلہ کوں پاکستان دا دورہ کرݨ دی باضابطہ دعوت ݙتی جݙاں جو ݙوہیں وزرائے داخلہ ݙو پاسہ تعلقات کوں ٻیا مضبوط اَتے مستحکم بݨاوݨ دا عزم کیتا۔
