استنبول۔ 28 نومبر (اے پی پی) وفاقی وزیر مواصلات عبدالعلیم خان استنبول اچ منعقد تھیوݨ آلے 5ویں ای سی او وزارتی اجلاس دے موقع تے ترکیہ دے وزیر تجارت پروفیسر ڈاکٹر عمر بولات نال اہم ملاقات کیتی جیں اچ پاکستان اَتے ترکیہ دے پراݨے برادرانہ تعلقات اَتے ودھدے ݙو طرفہ تعاون تے اطمینان دا اظہار کیتا ڳئے۔ملاقات اچ ݙوہیں رہنماواں ایں ڳالھ تے اتفاق کیتے جو پاکستان اَتے ترکیہ وچال …
وفاقی وزیرمواصلات عبدالعلیم خان دی ترکیہ دے وزیر تجارت پروفیسر ڈاکٹر عمر بولات نال اہم ملاقات
مزید خبراں
استنبول۔ 28 نومبر (اے پی پی) وفاقی وزیر مواصلات عبدالعلیم خان استنبول اچ منعقد تھیوݨ آلے 5ویں ای سی او وزارتی اجلاس دے موقع تے ترکیہ دے وزیر تجارت پروفیسر ڈاکٹر عمر بولات نال اہم ملاقات کیتی جیں اچ پاکستان اَتے ترکیہ دے پراݨے برادرانہ تعلقات اَتے ودھدے ݙو طرفہ تعاون تے اطمینان دا اظہار کیتا ڳئے۔ملاقات اچ ݙوہیں رہنماواں ایں ڳالھ تے اتفاق کیتے جو پاکستان اَتے ترکیہ وچال ݙو طرفہ تجارت کوں آوݨ آلے سالاں اچ 5 ارب ڈالر تئیں ودھایا ویسی، ایں مقصد کیتے اقتصادی، تجارتی اَتے سرمایہ کاری تعلقات کوں مزید مضبوط بݨاوݨ اَتے سارے شعبیں اچ تعاون ودھاوݨ دے عزم دا اعادہ کیتا ڳئے۔ وفاقی وزیرعبدالعلیم خان ای سی او وزارتی اجلاس دے کامیاب انعقاد تے ترکیہ کوں مبارخ ݙیندے آکھیا جو علاقائی تجارت و تعاون دے ودھارے کیتے ترکیہ دیاں کوششاں قابلِ تعریف ہِن۔انہاں ایں موقع تے ایں خواہش دا اظہار وی کیتے جو ترکیہ پاکستانی گوشت اَتے چاول دی برآمدات تے غور کرے کیوں جو پاکستان دی معیاری مصنوعات مسابقتی قیمتاں تے دستیاب ہِن جیڑھی ترکیہ دی مارکیٹ کیتے فیدہ مند ثابت تھی سڳدن۔ ملاقات اچ سانجھی دلچسپی دے مُختلف امور تے تفصیلی ڳالھ مہاڑ کیتی ڳئی اَتے ایں ڳالھ تے اتفاق کیتا ڳیا جو ݙوہیں ملک نہ صرف تجارت بلکہ سرمایہ کاری، ٹرانسپورٹ اَتے ٻئے معاشی شعبیں اچ وی تعاون اڳوں ودھیسن
