اسلام آباد۔ 28 نومبر(اے پی پی) نائب وزیراعظم و وزیر خارجہ سینیٹر محمد اسحاق ڈار انٹرنیشنل فیڈریشن آف اکائونٹنٹس (آئی ایف اے سی) دے صدر ژاں بوکو نال ملاقات دے دوران مالیاتی نظم و نسق، شفافیت اَتے موثر اقتصادی پالیسی سازی دے ودھارے اچ اکائونٹنسی دے شعبے دے کلیدی کردار کوں اُجاگر کیتے۔ دفتر خارجہ توں جاری بیان دے موجب نائب وزیراعظم اسحاق ڈار ژاں بوکو کوں پاکستان آوݨ تے …
نائب وزیراعظم و وزیر خارجہ اسحاق ڈار دی انٹرنیشنل فیڈریشن آف اکائونٹنٹس دے صدر ژاں بوکو نال ملاقات
مزید خبراں
اسلام آباد۔ 28 نومبر(اے پی پی) نائب وزیراعظم و وزیر خارجہ سینیٹر محمد اسحاق ڈار انٹرنیشنل فیڈریشن آف اکائونٹنٹس (آئی ایف اے سی) دے صدر ژاں بوکو نال ملاقات دے دوران مالیاتی نظم و نسق، شفافیت اَتے موثر اقتصادی پالیسی سازی دے ودھارے اچ اکائونٹنسی دے شعبے دے کلیدی کردار کوں اُجاگر کیتے۔ دفتر خارجہ توں جاری بیان دے موجب نائب وزیراعظم اسحاق ڈار ژاں بوکو کوں پاکستان آوݨ تے خوش آمدید آکھیا اَتے انہاں کوں ݙسایا جو جدید عالمی تقاضیں خصوصاً مصنوعی ذہانت دی بنیاد تے تھیوݨ آلی تکھے تبدیلیاں نال نِمٹݨ کیتے پاکستان کوں پیشہ ورانہ صلاحیتاں دے مضبوط نظام دی لوڑھ اے۔انہاں جنوبی ایشیائی فیڈریشن آف اکائونٹنٹس (ایس اے ایف اے) دی خدمات دی تعریف کریندے آڈٹ دے معیار اچ بہتری، نِکّے اَتے درمیانے درجے دے کاروبار دی معاونت اَتے اخلاقی و پائیداری توں متعلق رپورٹنگ دے ودھارے کیتے آئی اے ایف سی دے نال جاری تعاون کوں خوش آئند قرار ݙتا۔ انہاں ایں ڳالھ تے وی زور ݙتا جو پاکستانی ماہرین کوں نویں عالمی معیارات اَتے تکنیکی تبدیلیاں کیتے تیار کرݨ ویلھے دی اہم لوڑھ اے جیں کیتے آئی ایف اے سی دے نال شراکت داری مزید مضبوط بݨائی ویسی
