اسلام آباد۔ 5 دسمبر (اے پی پی) وزیراعظم محمد شہباز شریف ملائیشیا دے وزیراعظم داتو سری انور ابراہیم کوں ٹیلی فون کرتے اڄوکے سمندری طوفان توں تھیوݨ آلی تباہی تے ملائیشیا دی حکومت اَتے عوام نال یکجہتی دا اظہار کیتے۔ وزیراعظم دفتر دے میڈیا ونگ تّوں جاری بیان موجب وزیراعظم شہباز شریف پاکستان دے عوام اَتے حکومت دی ولوں اڄوکے سمندری طوفان ’ڈاہ واہ‘ دے سبب تھیوݨ آلیاں شدید بارشاں، …
وزیراعظم محمد شہباز شریف دا ملائیشیا دے وزیراعظم کوں ٹیلی فون، ملائیشیا اچ جاری ریسکیو دیاں کاروائیاں اچ پاکستان ولوں ہر ممکن مدد دی پیشکش
مزید خبراں
اسلام آباد۔ 5 دسمبر (اے پی پی) وزیراعظم محمد شہباز شریف ملائیشیا دے وزیراعظم داتو سری انور ابراہیم کوں ٹیلی فون کرتے اڄوکے سمندری طوفان توں تھیوݨ آلی تباہی تے ملائیشیا دی حکومت اَتے عوام نال یکجہتی دا اظہار کیتے۔ وزیراعظم دفتر دے میڈیا ونگ تّوں جاری بیان موجب وزیراعظم شہباز شریف پاکستان دے عوام اَتے حکومت دی ولوں اڄوکے سمندری طوفان ’ڈاہ واہ‘ دے سبب تھیوݨ آلیاں شدید بارشاں، چھل اَتے وݙے تودے ڈھݨ دے نتیجے اچ تھیوݨ آلے قیمتی جانی و مالی ضیان تے ملائیشیا دے وزیراعظم نال دلوں تعزیت دا اظہار کیتا۔ وزیراعظم متاثرہ و غمزدہ خانداناں دے نال ہمدردی دا اظہار کریندے زخمیاں اَتے بے گھر تھیوݨ آلیں دی وقتی صحت یابی و بحالی کیتے نیک خواہشات دا اظہار کیتا۔ وزیراعظم ایں اوکھی گھڑی اچ ملائیشین عوام دے نال مکمل یکجہتی و ہمدردی دا اظہار کیتا اَتے ملائیشیا اچ جاری امدادی اَتے ریسکیو دیاں کاروائیاں اچ پاکستان ولوں ہر ممکن مدد دی پیشکش وی کیتی۔ وزیراعظم آکھیا جو ملائیشین حکومت کوں امدادی کاروائیاں اچ جیہو جیھی وی معاونت دی لوڑھ ہوسی پاکستان مہیا کریسی۔ ملائیشیا دے وزیراعظم انور ابراہیم وزیراعظم پاکستان دا شکریہ ادا کریندے آکھیا جو ایں اوکھے ویلھے اچ اظہار ہمدردی اَتے فکرمندی دے جذبات اَتے رابطہ پاکستان اَتے ملائیشیا وچال نیڑے بھراواں آلے تعلقات دا مظہر اے۔
