راولپنڈی۔24 ستمبر(اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال مالدیپ دی عوامی مجلس دے سپیکر عبدالرحیم عبداللہ جی ایچ کیو راولپنڈی اچ ملین۔ انہاں باہمی دلچسپی دے امور، علاقائی سلامتی اتے ݙوطرفہ تعاون تے تفصیلی ڳالھ مہاڑ کیتی۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ ݙوہائیں رہنماواں خطے دی مجموعی صورتحال اتے باہمی تعلقات …
فیلڈ مارشل سید عاصم منیر نال مالدیپ دی عوامی مجلس دے سپیکر دی ملاقات
راولپنڈی۔24 ستمبر(اے پی پی)چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر نال مالدیپ دی عوامی مجلس دے سپیکر عبدالرحیم عبداللہ جی ایچ کیو راولپنڈی اچ ملین۔ انہاں باہمی دلچسپی دے امور، علاقائی سلامتی اتے ݙوطرفہ تعاون تے تفصیلی ڳالھ مہاڑ کیتی۔ پاک فوج دے شعبہ تعلقات عامہ (آئی ایس پی آر) دے مطابق ملاقات اچ ݙوہائیں رہنماواں خطے دی مجموعی صورتحال اتے باہمی تعلقات ٻئے تکڑے کرݨ تے الایا۔ ایں موقع تے آرمی چیف فیلڈ مارشل سید عاصم منیر واضح کیتا جو پاکستان مالدیپ نال اپݨے تعلقات کوں ݙاݙھی اہمیت ݙیندے۔ انہاں ݙوہائیں ٻھرا ملکاں دے ہکو سویں فیدے کیتے ݙوطرفہ تعلقات ٻئے تکڑے کرݨ اتے ودھ پائیدار بݨاوݨ کیتے مشترکہ کوششاں تے زور ݙتے۔ مالدیپ دی عوامی مجلس دے سپیکر عبدالرحیم عبداللہ خطے اچ امن، استحکام اتے سلامتی کیتے پاکستان دے مثبت اتے تعمیری کردار دی ݙاݙھی تعریف کیتی۔ انہاں پاکستان نال ݙوطرفہ تعلقات ٻئے ڳھاٹے کرݨ اتے باہمی دلچسپی دے شعبیاں اچ تعاون ٻیا تکڑا کرݨ دا آکھیا۔
