فیلڈ مارشل سید عاصم منیر دی بطور چیف آف آرمی سٹاف و چیف آف ڈیفنس فورسز اَتے چیف آف ایئر سٹاف، ایئر چیف مارشل ظہیر احمد بابر سدھو دی مدت ملازمت اچ وی ݙو سال دی توسیع دا نوٹیفیکیشن جاری

اسلام آباد۔ 5 دسمبر (اے پی پی) وزارت دفاع فیلڈ مارشل سید عاصم منیر دی بطور چیف آف آرمی سٹاف و چیف آف ڈیفنس فورسز اَتے چیف آف ایئر سٹاف، ایئر چیف مارشل ظہیر احمد بابر سدھو دی مدت ملازمت اچ وی ݙو سال دی توسیع دا نوٹیفیکیشن جاری کر ݙتا۔ وزارت دفاع ولوں جاری نوٹیفیکیشن اچ آکھیا ڳئے جو صدر مملکت وزیراعظم دی ایڈوائس تے 1973 دے آئین دے آرٹیکل 243 اَتے پاکستان آرمی ایکٹ 1952 دے سیکشن 8 اے دے تحت فیلڈ مارشل سید عاصم منیر دی بطور چیف آف آرمی اسٹاف و چیف آف ڈیفنس فورسز تعینات کرݨ دی منظوری ݙتی۔ اے تعیناتی پنج سال کیتے اے۔ فیلڈ مارشل سید عاصم منیر مُلک دے پہلے چیف آف ڈیفنس فورسز ہوسن۔ ایویں ہی وزارت دفاع ایئر چیف مارشل ظہیر احمد بابر سدھو دی مدت ملازمت اچ وی ݙو سال دی توسیع دا نوٹیفیکیشن جاری کر ݙتا۔ نوٹیفیکیشن اچ آکھیا ڳئے جو 1973 دے آئین دے آرٹیکل 273 اَتے پاکستان ایئر فورس ایکٹ 1953 دے سیکشن 10 بی دے تحت وزیراعظم شہباز شریف چیف آف ایئر سٹاف، ایئر چیف مارشل ظہیر احمد بابر سدھو دی مدت ملازمت اچ وی ݙو سال دی توسیع دی منظوری ݙے ݙتی۔ ایں توسیع دا اطلاق انہاں دی موجودہ پنج سالہ مدت ملازمت دے مارچ 2026ء اچ پُورا تھیوݨ تے ہوسی۔