چیف آف ڈیفنس فورسز فیلڈ مارشل سید عاصم منیر، پاک بحریہ دے سربراہ اَتے پاک فضائیہ دے سربراہ اَتے مسلح افواج ولوں میجر محمد اکرم شہید کوں خراجِ عقیدت پیش

راولپنڈی۔ 5 دسمبر (اے پی پی) چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر، پاک بحریہ دے سربراہ ایڈمرل نوید اشرف اَتے پاک فضائیہ دے سربراہ ایئر چیف مارشل ظہیر احمد بابر سدھو پاکستان دی مسلح افواج ولوں میجر محمد اکرم شہید، نشانِ حیدر دے 54ویں یومِ شہادت تے خراجِ عقیدت پیش کیتے۔ پاک فوج دے شعبہ تعلقات عامہ (آئی ایس پی آر) توں جاری بیان موجب میجر محمد اکرم شہید 1971 اچ ہلی سیکٹر (مشرقی پاکستان) اچ 4 فرنٹیئر فورس رجمنٹ دی ہک کمپنی دی قیادت کریندے غیر معمولی جرات اَتے ثابت قدمی دا مظاہرہ کیتا۔ 19 مئی 1971 کوں انہاں آپݨے دفاعی پوزیشن کوں مضبوطی نال وٹھی رکھیا اَتے دشمن کوں کہیں قسم دا جنگی فیدہ حاصل نہ کرݨ ݙتا۔ بعد اچ 3 دسمبر 1971 کوں انہاں کوں دشمن دے مضبوط قلعہ بند مورچیں تے حملے دا حکم مِلیا۔ او بے مثال عزم نال اگوں ودھدے دشمن دے ترائے ٹینک تباہ کرݨ اچ کامیاب تھئے تاں جو شدید زخمی تھیوݨ دے باوجود او بہادری نال لڑدے رہیے۔ 5 دسمبر 1971 کوں انہاں جامِ شہادت نوش کیتا، اَتے جرات و فرض شناسی دی اعلیٰ ترین مثال قائم کیتی۔ میجر محمد اکرم شہید دی لازوال بہادری پاکستان دیاں مسلح افواج دی نہ مُکݨ آلی روح دی روشن علامت اے۔ انہاں دی قربانی اڄ وی آوݨ آلیاں نسلاں کیتے مشعلِ راہ اے اَتے وطنِ عزیز دی خودمختاری اَتے علاقائی سالمیت دے دفاع دے عزم کوں مزید مضبوط کریندی اے۔ اڄ مسلح افواج پاکستان دے سارے شہیداں دیاں لازوال قربانیاں کوں خراجِ عقیدت پیش کرݨ دے عزم کوں مزید مضبوط کریندی اے۔ قوم آپݨے بہادر پُتراں تے ہمیشہ فخر کریندی رہسی، جنہاں دیاں قربانیاں تاریخِ پاکستان اچ سنہری اکھراں نال لکھیاں ڳئن۔