اسلام آباد۔ 5 دسمبر (اے پی پی) حکومت پاکستان اَتے ایشیائی ترقیاتی بینک (اے ڈی بی) وچال ترائے اہم منصوبیں تے دستخط کیتے ڳئے۔ وزارت اقتصادی امور ڈویژن ولوں جاری بیان موجب انہاں منصوبیں اچ کراچی-روہڑی سیکشن مین لائن-ون (ML-I) کیتے پروجیکٹ ریڈینیس فنانسنگ،کوئٹہ بس ریپڈ ٹرانزٹ (کوئٹہ بی آر ٹی PRF) کیتے پروجیکٹ ریڈینیس فنانسنگ، اَتے بلوچستان واٹر ریسورسز ڈویلپمنٹ سیکٹر پروجیکٹ کیتے اضافی فنانسنگ شامل ہِن۔اے منصوبے مُلک …
حکومت پاکستان اَتے ایشیائی ترقیاتی بینک ترائے اہم منصوبیں تے دستخط کر ݙتے
مزید خبراں
اسلام آباد۔ 5 دسمبر (اے پی پی) حکومت پاکستان اَتے ایشیائی ترقیاتی بینک (اے ڈی بی) وچال ترائے اہم منصوبیں تے دستخط کیتے ڳئے۔ وزارت اقتصادی امور ڈویژن ولوں جاری بیان موجب انہاں منصوبیں اچ کراچی-روہڑی سیکشن مین لائن-ون (ML-I) کیتے پروجیکٹ ریڈینیس فنانسنگ،کوئٹہ بس ریپڈ ٹرانزٹ (کوئٹہ بی آر ٹی PRF) کیتے پروجیکٹ ریڈینیس فنانسنگ، اَتے بلوچستان واٹر ریسورسز ڈویلپمنٹ سیکٹر پروجیکٹ کیتے اضافی فنانسنگ شامل ہِن۔اے منصوبے مُلک اچ بُنیادی سہولتاں دے شعبیں جیڑھے جو رابطہ کاری، شہری ٹرانسپورٹ اَتے پاݨی دے وسائل اچ ترقی کیتے اہم اقدامات ہِن۔ سیکرٹری وزارت اقتصادی امور ڈویژن محمد حمیر کریم اے ڈی بی دے قابل اعتماد ترقیاتی شراکت دار دے کردار اَتے پاکستان دی ترقیاتی ضرورتاں دی تکمیل اچ اوں دے مستقل تعاون دی تعریف کیتی ۔ انہاں ایں اہم منصوبیں کیتے اے ڈی بی دی معاونت تے شکریہ ادا کریندے آکھیا جو اے منصوبے پاکستان دی طویل المدتی اَتے پائیدار اقتصادی ترقی اچ اہم کردار ادا کریسن، کوئٹہ شہر دی شہری انفراسٹرکچر ضرورتاں کوں پُورا کریسن اَتے بلوچستان اچ زرعی پیداواریت کوں بہتر بݨیسن۔ انہاں وزارت ریلوے اَتے حکومت بلوچستان دیاں کوششاں دی وی تعریف کیتی تے منصوبیں دی موثر و ویلھے سِر تکمیل کیتے مہیا کیتی ڳئی فنانسنگ دے بہترین استعمال تے زور ݙتا۔اے ڈی بی دی کنٹری ڈائریکٹر ایما فین حکومت پاکستان دی ولوں ایں منصوبیاں کیتے مضبوط عزم دی تعریف کیتی۔ انہاں بلوچستان نال متعلق ݙو منصوبیں دی اہمیت اُجاگر کیتا اَتے ریلوے امپرومینٹ پروجیکٹ پی آر ایف کوں ریلوے دی جدیدیت ول ہک اہم قدم قرار ݙتا۔ انہاں وزارت اقتصادی امور اَتے ٻئے شراکت داراں دے نال نیڑے تعاون جاری رکھݨ دے عزم دا اعادہ وی کیتا تاں جو اے ڈی بی دی معاونت پاکستان دی ترقیاتی ترجیحات نال ہم آہنگ راہوے۔
