میجر شبیر شریف دی بہادری اَتے شجاعت اُو روشن مینار اے جیندے توں نسلاں رہنمائی گھِنن، وزیر داخلہ محسن نقوی

اسلام آباد۔ 6 دسمبر (اے پی پی) وفاقی وزیر داخلہ محسن نقوی میجر شبیر شریف شہید (نشان حیدر) کوں بے مثال جرات تے شاندار لفظاں وِچ خراج عقیدت پیش کریندیں آکھیا جو اُنہاں دی بہادری اَتے شجاعت اُو روشن مینار اے جیندے توں نسلاں رہنمائی حاصل کریندن۔ وزارت داخلہ توں جاری بیان وِچ محسن نقوی آکھیا جو میجر شبیر شریف شہید وطن دے دفاع دی روشن علامت ہِن، ایں مرد آہن جذبہ ایمانی اَتے شجاعت دی نویں تاریخ رقم کیتی۔ محسن نقوی آکھیا جو میجر شبیر شریف شہید 1971 دی جنگ وِچ جرات اَتے شجاعت دا نہ بُھلݨ آلا مظاہرہ کر تے ہمیشہ کیتے امر تھی ڳئے، اُنہاں قیادت، حکمت عملی اَتے غیر معمولی دلیری نال دشمن دے مضبوط قلعے کوں ونڄا ݙتا۔ وزیر داخلہ آکھیا جو بیاس سدھار گیل دے محاذ تے میجر شبیر شریف دے ہتھوں دشمن دے مورچے پاش پاش تھئے اَتے اُنہاں دی جرات دشمن کیتے خوف دی علامت بݨ ڳئی، اُنہاں کوں شہادت دے عظیم رتبے اَمَر کرݙتا۔ میجر شبیر شریف پاکستان دے اُو منفرد سپاہی ہِن جِنھاں کنے ستارۂ جرات وی اے اَتے نشان حیدر وی۔ محسن نقوی آکھیا جو میجر شبیر شریف دی بہادری اَتے شجاعت اُو روشن مینار اے جیندے توں نسلاں رہنمائی حاصل کریندن۔ دشمناں کیتے ݙُو ٹوک پیغام اے جو پاک وطن دا ہر سپاہی جذبے، ہمت اَتے وفا وِچ میجر شبیر شریف دا وارث اے۔