سکیورٹی فورسز خیبر پختونخوا وِچ ݙو وَکھو وَکھ کارروائیاں وِچ بھارتی حمایت یافتہ فتنہ الخوارج دے 9 دہشت گرداں کوں ہلاک کر ݙتا، آئی ایس پی آر

راولپنڈی۔ 6 دسمبر (اے پی پی) سکیورٹی فورسز خیبر پختونخوا دے مختلف علاقیں وِچ ݙو وَکھو وَکھ کارروائیاں وِچ بھارتی حمایت یافتہ فتنہ “الخوارج” نال تعلق رکھݨ آلے 9 دہشت گرداں کوں ہلاک کر ݙتا۔ پاک فوج دے شعبہ تعلقات عامہ (آئی ایس پی آر) موجب سکیورٹی فورسز ٹانک ڈسٹرکٹ وِچ ہِک خفیہ اطلاع دی بنیاد تے آپریشن کیتا۔ آپریشن دے دوران پاک فوج دہشت گرداں دے ٹھکاݨے کوں مؤثر طریقے نال نشانہ بݨایا اَتے تکھے فائرنگ دے تبادلے دے بعد 7 دہشت گرداں کوں جہنم وِچ پُڄا ݙتا۔ سکیورٹی فورسز لکی مروت ڈسٹرکٹ وِچ وی خوارج دے خلاف خفیہ اطلاع تے مبنی ہِک ٻیا آپریشن کیتا، جِتھاں فائرنگ دے تبادلے وِچ مزید 2 دہشت گرداں کوں ہلاک کر ݙتا ڳیا۔ بھارت دی حمایت نال سرگرم اِنہاں خوارج دہشت گرداں توں اسلحہ اَتے گولہ بارود وی برآمد تھیا۔ اے سارے دہشت گرد سکیورٹی فورسز، قانون نافذ کرݨ آلے اداریں دے خلاف دہشت گردانہ کارروائیاں اَتے بے گناہ شہریاں دی ٹارگٹ کلنگ وِچ ملوث ہن۔ علاقے وِچ موجود کِہیں وی بھارتی حمایت یافتہ دہشت گرد کوں مکاوݨ کیتے سینیٹائزیشن آپریشنز جاری ہِن۔ وفاقی ایپکس کمیٹی نیشنل ایکشن پلان دی منظوری موجب “عزمِ استحکام” دے تحت جاری سکیورٹی فورسز اَتے قانون نافذ کرݨ آلے اداریں دی دہشت گردی دے خلاف بھرپور مہم پُوری قوت نال جاری رَہسی تاں جو ٻاہرلی حمایت یافتہ دہشت گردی دے ناسور کوں مُلک توں ہمیشہ کیتے مُکا ݙتا ونڄے۔