الیکشن کمیشن دی طرفوں ووٹرز دے قومی ݙینھ دے موقع تے ووٹ رجسٹریشن مہم دے پنجویں مرحلے دا آغاز

اسلام آباد۔ 7 دسمبر (اے پی پی) الیکشن کمیشن ووٹرز دے قومی ݙینھ دے موقع تے ووٹ رجسٹریشن مہم دے پنجویں مرحلے دا آغاز کر ݙت جیندے تحت پنجاب دے 26، سندھ دے 16، خیبر پختونخوا دے 13 اَتے بلوچستان دے 8 ضلعیں وِچ ایں مہم دے تحت شناختی کارڈ دے حصول اَتے ووٹ دے اندراج دے حوالے نال خصوصی مہم چلائی ویسی۔ ایں دوران اِنہاں ضلعیں وِچ خصوصی موبائل رجسٹریشن وینز وی ایں سہولت ݙیوݨ کیتے کم کریندیاں رَہسن۔پنجاب وِچ بہاولنگر، بہاولپور، دیرہ غازی خان، فیصل آباد، گجرانوالہ، وہاڑی، خانیوال، لاہور، ملتان، مظفر گڑھ، ننکانہ صاحب، اوکاڑہ، پاکپتن، رحیم یار خان، راجن پور، راولپنڈی، ساہیوال، سرگودھا، شیخوپورہ، سیالکوٹ، ٹوبہ ٹیک سنگھ، قصور، گجرات، جھنگ اَتے اسلام آباد شامل ہِن۔سندھ وِچ حیدر آباد، کراچی سنٹرل، کراچی ایسٹ، کراچی سائوتھ، کراچی ویسٹ، کیماڑی، سانگھڑ، ملیر، شہید بے نظیر آباد، قمبر شہداد کوٹ، کورنگی کراچی، سکھر، تھرپارکر، میرپور خاص، گھوٹکی اَتے خیر پور شامل ہِن۔خیبر پختونخوا وِچ چارسدہ، ہنگو، کوہاٹ، لوئر دیر، مردان، نوشہرہ، پشاور، سوات، شانگلہ، بٹ گرام، اپر دیر، خیبر، صوابی شامل ہِن۔بلوچستان وِچ چمن، کوئٹہ، قلعہ عبداللہ، شیرانی، جعفر آباد، ژوب، پشین اَتے لسبیلہ شامل ہِن۔واضح رہے جو ہر سال7 دسمبر کوں پاکستان وِچ ووٹرز دا قومی ݙینھ منایا ویندے