اسلام آباد۔ 7 دسمبر (اے پی پی) ایس آئی ایف سی (SIFC) دی مدد نال پاکستان اَتے مصر دے وِچال اقتصادی شراکت داری، تجارت، سرمایہ کاری اَتے شعبہ جاتی تعاون دے نویں دور دا آغاز تھئے۔ تفصیل موجب وفاقی وزیرِ تجارت جام کمال خان دی مصر دے وزیر سرمایہ کاری حسن الخطیب نال "ڈی ۔8" دے تجارتی وزیراں دی کونسل دی میٹنگ دے دوران اہم ملاقات تھئی، جِتھاں تجارت، سرمایہ …
پاکستان اَتے مصر دی اقتصادی شراکت داری وِچ نویں پیشرفت، ݙوہیں ملکاں دا سانجھے معاشی لائحہ عمل تے اتفاق
مزید خبراں
اسلام آباد۔ 7 دسمبر (اے پی پی) ایس آئی ایف سی (SIFC) دی مدد نال پاکستان اَتے مصر دے وِچال اقتصادی شراکت داری، تجارت، سرمایہ کاری اَتے شعبہ جاتی تعاون دے نویں دور دا آغاز تھئے۔ تفصیل موجب وفاقی وزیرِ تجارت جام کمال خان دی مصر دے وزیر سرمایہ کاری حسن الخطیب نال “ڈی ۔8” دے تجارتی وزیراں دی کونسل دی میٹنگ دے دوران اہم ملاقات تھئی، جِتھاں تجارت، سرمایہ کاری اَتے پرائیویٹ سیکٹر دے اشتراک کوں ودھاوݨ تے تفصیل نال ڳالھ مہاڑ تھئی۔ پاکستان اَتے مصر ٹیکسٹائل، زراعت، فارما اَتے ٻئے شعبیں وِچ شراکت داری ودھاوݨ تے زور ݙتا۔ بندرگاہواں تئیں سانجھی رسائی اَتے ویزا سہولتاں دے ذریعے تجارت کوں مضبوط بݨاوݨ تے اتفاق کیتا ڳیا۔ ڈیجیٹل جدید کاری نال پاکستان اَتے مصر دا اقتصادی تعاون مزید مضبوط تھیسی۔ ترجیحی شعبیں کیتے سانجھے ورکنگ گروپ بݨاوݨ اَتے پیشرفت دا باقاعدہ جائزہ گھِنݨ تے اتفاق کیتا ڳیا۔ ݙوہیں فریقاں اقتصادی تعلقات، بی ٹو بی (B2B) رابطے اَتے سرمایہ کاری دے نویں موقعیں کوں مزید ودھاوݨ دے عزم دا اِقرار کیتا۔ ایس آئی ایف سی دے مؤثر اقدامات نال پاکستان دے تجارتی و صنعتی شعبے ترقی دی راہ تے لڳاتار ٹُردے پئن۔
