اسلام آباد۔ 7 دسمبر (اے پی پی) صدر مملکت آصف علی زرداری آکھیے جو سندھ ثقافت ڈے اساکوں رواداری، تکثیریت اَتے پُرامن رَل مِل تے رہݨ جیھاں تہذیبی قدراں دے ودھارے بارے یاد ݙویندے، سندھ دی ثقافت برداشت، امن اَتے قومی یکجہتی دی علامت اے جییں کوں نویں نسل تئیں پڄاوݨ اساں ساریاں دی سانجھی ذمہ واری اے۔ ایوان صدر دے پریس وِنگ توں جاری بیان وِچ صدر آصف علی …
سندھ دی ثقافت برداشت، امن اَتے قومی یکجہتی دی علامت اے، صدر مملکت آصف علی زرداری دا سندھی ثقافت دے ݙینھ تے پیغام
مزید خبراں
اسلام آباد۔ 7 دسمبر (اے پی پی) صدر مملکت آصف علی زرداری آکھیے جو سندھ ثقافت ڈے اساکوں رواداری، تکثیریت اَتے پُرامن رَل مِل تے رہݨ جیھاں تہذیبی قدراں دے ودھارے بارے یاد ݙویندے، سندھ دی ثقافت برداشت، امن اَتے قومی یکجہتی دی علامت اے جییں کوں نویں نسل تئیں پڄاوݨ اساں ساریاں دی سانجھی ذمہ واری اے۔ ایوان صدر دے پریس وِنگ توں جاری بیان وِچ صدر آصف علی زرداری سندھی ثقافت دے ݙینھ تے اپݨے پیغام وِچ آکھیا جو سندھ کوں اے اعزاز حاصل اے جو 1936ء وِچ بمبئی پریزیڈنسی توں وَکھ تھیوݨ دے بعد اِیندی ہِک منفرد آئینی و تہذیبی سنڄاݨ قائم تھئی۔ سندھ اُو پہلا صوبہ ہئی جِیندی اسمبلی قیامِ پاکستان دی قرارداد منظور کر تے تاریخ وِچ فیصلہ کُن کردار ادا کیتا۔ سندھ وِچ اردو ٻولݨ آلے لوکاں دی وݙی تعداد آباد اے جیڑھی ایں کوں سانجھی ہم آہنگی اَتے وسعتِ نظر دی روشن مثال بݨیندی اے۔ صدر آصف علی زرداری آکھیا جو سندھی زبان مُلک دیاں ترقی یافتہ ترین زباناں وِچ شامل تھیندی اے جِتھاں درجناں روزنامے، ٹی وی چینلز اَتے ریڈیو اِیندی مضبوط روایت دے رکھوالے ہِن۔ سندھ دی ثقافت برداشت، امن اَتے قومی یکجہتی دی علامت اے جیں کوں نویں نسل تئیں پڄاوݨ اساں ساریں دی سانجھی ذمہ واری اے۔
