انڈونیشیا دے صدر پرابووو سوبیانتو دا وزیراعظم ہاؤس آوݨ تے شاندار استقبال

اسلام آباد۔ 9 دسمبر(اے پی پی)انڈونیشیا دے صدر پرابووو سوبیانتو دا وزیراعظم ہاؤس آوݨ تے شاندار استقبال کتیا ڳئے۔ وزیراعظم محمد شہباز شریف معزز مہمان دا خیر مقدم کیتا۔ ڈوہیں رہنماواں گرمجوشی نال ہتھ ملایا۔ منگل کوں وزیراعظم ہاؤس آمد تے انڈونیشیا دے صدر دے اعزاز اچ باضابطہ استقبالیہ تقریب تھئی۔ مسلح افواج دے چاق و چوبند دستے انہاں کوں گارڈ آف آنر پیش کیتے۔

انڈونیشیا دے صدر گارڈ آف آنر دا معائنہ کیتے۔ ایں موقع تے ڈوہیں ملکاں دے قومی ترانے وی وڄائے ڳئن۔ انڈونیشیا دے صدر اپݨے وفد دے ارکان دا وزیراعظم محمد شہباز شریف نال تعارف کرایا جڈاں جو وزیراعظم شہباز شریف وی کابینہ دے ارکان کوں انڈونیشیا دے صدر نال متعارف کرایا۔ انڈونیشیا دے صدر وزیراعظم ہاؤس دے احاطے اچ ٻوٹا وی لائے۔