اسلام آباد۔ 9 دسمبر(اے پی پی)پاکستان اَتے انڈونیشیا مختلف شعبیاں اچ ݙوطرفہ تعاون مضبوط بݨاوݨ کیتے ٻہوں سارے معاہدے اَتے مفاہمتی یاداشتاں تے دستخط کیتن، جنہاں اچ حلال تجارت، نِکے اَتے درمیانے درجے دے کاروبار (ایس ایم ایز)، اعلیٰ تعلیم، منشیات دے خلاف اقدامات اَتے صحت دے شعبے شامل ہن۔ اے معاہدے منگل کوں وزیراعظم ہاؤس اچ تھیوݨ آلی ہک تقریب اچ کیتے گئن جیںدے اچ انڈونیشیا دے صدر پرابووو …
پاکستان اَتے انڈونیشیا وچال مختلف شعبیاں اچ ݙوطرفہ تعاون سانڳے معاہدے اَتے مفاہمتی یاداشتاں تے دستخط
مزید خبراں
اسلام آباد۔ 9 دسمبر(اے پی پی)پاکستان اَتے انڈونیشیا مختلف شعبیاں اچ ݙوطرفہ تعاون مضبوط بݨاوݨ کیتے ٻہوں سارے معاہدے اَتے مفاہمتی یاداشتاں تے دستخط کیتن، جنہاں اچ حلال تجارت، نِکے اَتے درمیانے درجے دے کاروبار (ایس ایم ایز)، اعلیٰ تعلیم، منشیات دے خلاف اقدامات اَتے صحت دے شعبے شامل ہن۔ اے معاہدے منگل کوں وزیراعظم ہاؤس اچ تھیوݨ آلی ہک تقریب اچ کیتے گئن جیںدے اچ انڈونیشیا دے صدر پرابووو سوبیانتو اَتے وزیراعظم محمد شہباز شریف وی شریک تھئن۔ ݙوہیں رہنماواں تقریب اچ معاہدیاں اَتے مفاہمت دی یاداشتاں دیاں دستاویزات دے تبادلے دا مشاہدہ کیتا جݙاں جو فریقین دے متعلقہ وزارء دستخط شدہ معاہدے اَتے ایم او یوز باقاعدہ طور تے ہک ݙوجھے دے حوالے کیتن۔ انڈونیشیا دی اعلیٰ تعلیم، سائنس اَتے ٹیکنالوجی دی وزارت اَتے پاکستان دے ہائر ایجوکیشن کمیشن (ایچ ای سی) وچال اعلیٰ تعلیم دے سرٹیفیکیٹس اَتے ڈگریاں دی باہمی شناخت دے حوالے نال معاہدے تے دستخط کیتے گئن۔ ایں سانڳے پاکستان ولوں وفاقی وزیر تعلیم و پیشہ ورانہ تربیت خالد مقبول صدیقی اَتے انڈونیشیا دے ہم منصب برائن یولیارٹو وچال دستاویزات دا تبادلہ کیا گیا۔ پاکستان اَتے انڈونیشیا دیاں حکومتاں وچال “انڈونیشیئن ایڈ سکالرشپ پروگرام” دا معاہدہ وی تھئے۔ انڈونیشیا دے وزیر خارجہ سگیونو اَتے خالد مقبول صدیقی دستاویزات دا تبادلہ کیتے۔ حلال تجارت اَتے سرٹیفیکیشن دے شعبے اچ تعاون کیتے مفاہمت دی یادداشت دیاں دستاویزات دا تبادلہ انڈونیشیا دے وزیر خارجہ اَتے وزیر تجارت جام کمال خان کیتا۔ قومی غذائی تحفظ دے وزیر رانا تنویر حسین اَتے انڈونیشیا دے وزیر خارجہ نِکے اَتے درمیانے درجے دے کاروبار (ایس ایم ایز) کیتے سہولت کاری اَتے کاروباری ترقی دے حوالے نال ایم او یو دیاں دستاویزات دا تبادلہ کیتے۔ ݙوہیں ملکاں آرکائیوز اچ تعاون کیتے ایم او یو تے وی دستخط کیتن، نائب وزیراعظم و وزیر خارجہ اسحاق ڈار اَتے انڈونیشیا دے وزیر خارجہ سگیونو وچال ایں سانڳے دستاویزات دا تبادلہ کیتے۔ انہاں منشیات دی سمگلنگ دی روک تھام اَتے ایںدے خلاف تعاون کیتے ایم او یو تے دستخط اَتے دستاویزات دا تبادلہ وی کیتے۔ صحت دے شعبے اچ تعاون کیتے ایم او یو دیاں دستاویزات دا تبادلہ انڈونیشیا دے وزیر خارجہ اَتے وفاقی وزیر قومی صحت سید مصطفیٰ کمال وچال تھئے۔
