حج 2026، پرائیویٹ حاجیاں دے حج اخراجات اَتے منیٰ اچ پلاٹ یا سروسز دی بکنگ کیتے شیڈول جاری

اسلام آباد۔ 9 دسمبر(اے پی پی)وزارت مذہبی امور حج 2026 کیتے پرائیویٹ حج آپریٹرز توں پرائیویٹ حاجیاں دے حج اخراجات اَتے منیٰ اچ پلاٹ یا سروسز دی بکنگ کیتے شیڈول جاری کر ݙتے۔ رقم نہ ݙیوݨ دی صورت اچ متعلقہ ٹور آپریٹر دا لائسنس منسوخ کر ݙتا ویسی۔ وزارت مذہبی امور دے ترجمان موجب پرائیویٹ حج آپریٹرز کوں ݙسایا ڳئے جو وفاقی کابینہ توں منظور شدہ حج پالیسی 2026 دے تحت سعودی ای والٹ اچ پرائیویٹ حاجیاں دے سارے اخراجات برائے حج 2026 جمع کراوݨ دی آخری تاریخ31 دسمبر 2025 مقرر کیتی گئی اے، لہٰذا سارے حج آپریٹرز کوں آکھیا ڳئے جو او حج پیکج دی 100 فیصد رقوم اپݨے متعلقہ سعودی اکاؤنٹ اچ جمع کروا ݙیون۔ پرائیویٹ حج ٹور آپریٹرز ولوں منیٰ دی زمین، پلاٹ اَتے سروسز بک کراوݨ دی آخری تاریخ21 دسمبر 2025 اے، ایں سانڳے پلاٹ اَتے سروسز بک کراوݨ دا ثبوت15 دسمبر تئیں ہر صورت وزارت مذہبی امور کوں ݙتا ونڄے تاں جو ناکام تھیوݨ آلے حج آپریٹرز دا کوٹہ ویلھے سر کامیاب حج آپریٹرز اَتے سرکاری سکیم اچ منتقل کیتا ونج سگے۔ رقوم دی عدم ادائیگی دی صورت اچ متاثر تھیوݨ آلے حاجیاں دی ساری ذمہ داری متعلقہ حج آپریٹرز تے ہوسی۔ عدم ادائیگی دی صورت اچ متعلقہ نادہندہ ڈی ایچ سی دا کوٹہ اَتے جمع شدہ رقم کہیں کامیاب ٹور آپریٹر یا سرکاری سکیم کوں ݙے ݙتی ویسی۔ ناکام حج آپریٹر دا نہ صرف لائسنس منسوخ کیتا ویسی ٻھل اڳو تے وی حج آپریٹر کم کرݨ تے پابندی وی لائی ویسی، ساریاں مالی رقوم پہلے داخلہ شدہ بحق سرکار ضبط کر ڳھدیاں ویسن۔