اسلام آباد۔ 9 دسمبر(اے پی پی)وفاقی وزیر برائے بحری امور محمد جنید انوار چوہدری کولمبو، سری لنکا اچ میڈیا بریفنگ ݙیندے وڳڑدے ہوئے موسمیاتی چینلجز نال نمٹݨ کیتے علاقائی تعاون ودھاوݨ دی سخت لوڑھ تے زور ݙتے۔ وفاقی وزیر طوفان ڈتوا دے بعد پاکستان دی یکجہتی ݙکھاوݨ کیتے ݙو ݙینھ دے دورے تے ہین۔ جنید انوار چوہدری طوفان نال تھیوݨ آلے نقصانات تے افسوس کریندے آکھیا جو "اساں سری لنکا …
وفاقی وزیر محمد جنید انوار چوہدری دا سری لنکا اچ طوفان نال متاثرہ علاقیاں دی بحالی دیاں کوششاں اچ مدد کیتے پاکستان دا عزم
مزید خبراں
اسلام آباد۔ 9 دسمبر(اے پی پی)وفاقی وزیر برائے بحری امور محمد جنید انوار چوہدری کولمبو، سری لنکا اچ میڈیا بریفنگ ݙیندے وڳڑدے ہوئے موسمیاتی چینلجز نال نمٹݨ کیتے علاقائی تعاون ودھاوݨ دی سخت لوڑھ تے زور ݙتے۔ وفاقی وزیر طوفان ڈتوا دے بعد پاکستان دی یکجہتی ݙکھاوݨ کیتے ݙو ݙینھ دے دورے تے ہین۔ جنید انوار چوہدری طوفان نال تھیوݨ آلے نقصانات تے افسوس کریندے آکھیا جو “اساں سری لنکا دی حکومت ولوں کیتے ڳئے فوری اقدامات اَتے متاثرہ کمیونٹیز ولوں ݙکھائی ونجݨ آلی ہمت دی ودھ تعریف کریندے ہیں۔” پاکستانی ٹیماں اَتے ریسکیو اہلکار زمین تے زندگیاں بچاوݨ اَتے امدادی کارروائیاں اچ مدد کریندے پئن۔ وزیراعظم دیاں ہدایات دے بعد سری لنکا کیتے ودھ انسانی امدادی پیکج پہلے ہی روانہ کر ݙتا گئے، کولمبو اچ پاکستان دے ہائی کمشنر میجر جنرل فہیم العزیز نیشنل ڈیزاسٹر مینجمنٹ اتھارٹی نال رَل تے سری لنکا دے حکام نال کم کریندے پئن تاں جو امدادی سامان دی ویلھے سر ترسیل اَتے ونݙ کوں یقینی بݨایا ونج سگے۔ انہاں سری لنکا دے عوام کیتے دعا کریندے ہوئیں آکھیا جو پاکستان اڄ اَتے ہمیشہ ہک قابل اعتماد دوست اَتے شراکت دار دے طور تے سری لنکا دے نال کھڑے۔
