بے نظیر انکم سپورٹ پروگرام دے مستحقین کوں مارچ 2026 توں ڈیجیٹل والٹ دے تحت گھر ٻیٹھے ادائیگیاں تھیسن، عمران احمد شاہ

اسلام آباد۔ 10 دسمبر(اے پی پی) وفاقی وزیر تخفیف غربت عمران احمد شاہ آکھیے جو بے نظیر انکم سپورٹ پروگرام (BISP) دے مستحقین کوں مارچ 2026 توں ڈیجیٹل والٹ دے تحت گھر ٻیٹھے ادائیگیاں تھیسن۔ ایں نال کرپشن اَتے قطاراں دا خاتمہ تھیسی، شہباز شریف دا اے عہد اے جو کرپشن دا ہر سطح تے خاتمہ کیتا ونڄے۔قومی اسمبلی وقفہ سوالات دے دوران داور کنڈی دے سوال دے جواب وچ عمران حسین شاہ ݙسیا جو مارچ 2026 توں ڈیجیٹل والٹ دا آغاز تھیندا پئے ، ہک کروڑ اکاؤنٹ بݨ چُکن، فون سماں تقسیم تھیوݨیاں ہن۔ ایں اقدام نال تریمتاں کوں قطاراں وچ کھڑے تھیوݨ توں نجات مِل ویسی۔ شرمیلا فاروقی دے سوال دے جواب اچ عمران احمد شاہ ݙسیا جو بے نظیر انکم سپورٹ پروگرام ݙوجھا وݙا حصہ اے، 716 ارب روپے مختص کیتن، اے اپݨی نوعیت دا اہم پروگرام اے جیں دے تحت اساں اپݨے مستحق لوکاں کوں مالی معاونت کریندے پیوں۔