عدلیہ قانون دی بالادستی کوں مضبوط بݨاوݨ اَتے ہر شہری کیتے انصاف وقتی تے مؤثر ݙیوݨ تے بھرپور توجہ ݙیندی پئی اے، چیف جسٹس سپریم کورٹ

اسلام آباد ۔ 10 دسمبر(اے پی پی) چیف جسٹس آف پاکستان جسٹس یحییٰ آفریدی آکھیے جو انسانی حقوق دا تحفظ ہک قومی ذمہ واری اے جو ساݙے آئینی وژن اچ پیوست اے، ساݙیاں ثقافتی اقدار نال مضبوط اے اَتے پاکستان کوں پرامن، جمہوری اَتے خوشحال بݨاوݨ کیتے بنیادی اہمیت رکھیندی اے، عدلیہ قانون دی بالادستی کوں مضبوط بݨاوݨ اَتے ہر شہری کیتے انصاف دی بروقت و مؤثر فراہمی تے بھرپور توجہ ݙیندی پئی اے۔انسانی حقوق دے عالمی دن دے موقع تے اپݨے پیغام اچ چیف جسٹس آف پاکستان جسٹس یحییٰ آفریدی آکھیا جو پوری دنیا اچ انٹرنیشنل ہیومن رائٹس ڈے دے موقع تے اساں ہک واری ول انسان دی حرمت، آزادی اَتے مساوات دے تحفظ دے اپݨے آئینی اَتے اخلاقی عزم دی تجدید کریندوں۔سپریم کورٹ دے شعبہ تعلقات عامہ توں جاری اعلامیہ موجب چیف جسٹس آکھیا جو اے ݙینھ انسانی حقوق دے عالمی اعلامیے (UDHR) دی یاد تازہ کریندے جو ہک ایجھا انقلابی عالمی عہد دی علامت اے جیں دنیا دے ٻہوں سارے آئین، عوامی اداریں اَتے ترقیاتی حکمتِ عملیاں بشمول ایجنڈا 2030 برائے پائیدار ترقی دی بنیاد رکھی اے۔چیف جسٹس آکھیا جو تکھے بدلدی سماجی، معاشی اَتے تکنیکی دنیا اچ پاکستان دی عدلیہ قانون دی بالادستی دے استحکام اَتے ہر شہری کوں بروقت و مؤثر انصاف دی فراہمی تے پوری توجہ مرکوز کیتی ہوئی اے۔ عدالتی اصلاحات دا مقصد عدالتی نظام کوں جدید خطوط تے استوار کرݨ، شفافیت کوں ودھاوݨ اَتے خاص طور تے کمزور اَتے پسماندہ طبقیں کوں درپیش رکاوٹاں کوں گھٹ کرݨ اے تاں جو او اپݨے حقوق دا بہتر طور تے تحفظ کرسڳن