ریاست طیبہ اتے ریاست پاکستان دا آپس اچ تکڑا تعلق اے، پاک سعودی دفاعی معاہدہ تاریخی اے، چیف آف ڈیفنس فورسز و آرمی چیف فیلڈ مارشل سید عاصم منیر دا قومی علماء و مشائخ کانفرنس نال خطاب

اسلام آباد۔ 10 دسمبر(اے پی پی)چیف آف ڈیفنس فورسز و چیف آف آرمی سٹاف فیلڈ مارشل سید عاصم منیر آکھیے جو ” ریاست طیبہ اتے ریاست پاکستان دا آپس اچ تکڑا تعلق اے، اللہ تعالیٰ سارے مسلم ملکاں اچوں محافظین حرمین دا شرف پاکستان کوں عطا کیتے، پاک سعودی دفاعی معاہدہ تاریخی اے۔ اے ن٘قالھ انہاں اسلام آباد اچ قومی علماء و مشائخ کانفرنس نال خطاب اچ آکھی۔ فیلڈ مارشل سید عاصم منیر آکھیے جو مسلم ملکاں اچوں محافظین حرمین دا شرف پاکستان کوں ملݨ پوری قوم کیتے ماݨ دی ڳالھ اے، ڄیڑھی قوم علم اتے قلم کوں چھوڑ ݙیوے اُتھاں انتشار، فتنہ اتے فساد الارض ڄاہ بݨا گھِندن، عزت اتے طاقت دی ونݙ نفرت نال نئیں ٻھل محنت، علم اتے اتحاد نال حاصل تھیندی اے۔ قومی سلامتی دے حوالے نال فیلڈ مارشل واضح کیتے جو دہشت گردی پاکستان دا نئیں ہمیشہ توں ہندوستان دا وطیرہ رہے، اساں دشمن کوں لُک تے نئیں للکار تے مریندے ہیں۔ اُنہاں آکھیے جو اسلامی ریاست اچ ریاست دے علاوہ کوئی فرد یا گروہ جہاد دا حکم نئیں ݙے سگدا، اے اختیار صرف ریاست کولو ہوندے۔ اُنہاں آکھیے جو معرکہ حق اچ پاکستان کوں اللہ تعالیٰ دی مدد نال کامیابی ملی اے”اتے دشمن دے ناپاک عزائم کوں ناکام بݨایا ڳئے۔ اُنہاں علماء و مشائخ تے زور ݙتے جو او قوم کوں ہک مٹھ رکھن، عوام دی سوچ اچ وسعت پیدا کرن اتے فرقہ واریت، نفرت اتے انتشار مکاوݨ کیتے اپݨا کردار ادا کرن۔ قومی علماء و مشائخ کانفرنس اچ ملک بھر توں مذہبی و دینی شخصیات، سکالرز اتے مختلف مکاتب فکر دے نمائندیاں شرکت کیتی۔ شرکاء دہشت گردی دے خاتمے اتے ملکی سلامتی و اتحاد امت کیتے پاک فوج دے کردار دی تعریف کریندے افواج پاکستان نال مکمل یکجہتی کیتی اے۔