اسلام آباد۔ 11 دسمبر (اے پی پی) پاکستان اتے تیونس دے وچال ݙوطرفہ سیاسی مشاورت دا چوتھا دور تیونس وچ تھئے۔ دفتر خارجہ ولوں جاری بیان موجب پاکستانی وفد دی قیادت ایڈیشنل سیکرٹری خارجہ (افریقہ) حامد اصغر خان کیتی اے جݙاں جو تیونس دے وفد دی سربراہی ڈائریکٹر جنرل (ایشیا) سلیم گھرانی کیتی ۔ڳالھ مہاڑ وچ ݙوہیں فریقین سیاسی تعاون، اُچے سطحی تبادلیں، تجارت تے سرمایہ کاری، دفاعی اتے سیکورٹی …
پاک تیونس سیاسی مشاورت دا چوتھا دور، مختلف شعبیں وچ تعاون، ݙو طرفہ تعلقات دے مکمل دائرہ کار دا جائزہ ڳھِدا ڳیا، دفتر خارجہ
اسلام آباد۔ 11 دسمبر (اے پی پی) پاکستان اتے تیونس دے وچال ݙوطرفہ سیاسی مشاورت دا چوتھا دور تیونس وچ تھئے۔ دفتر خارجہ ولوں جاری بیان موجب پاکستانی وفد دی قیادت ایڈیشنل سیکرٹری خارجہ (افریقہ) حامد اصغر خان کیتی اے جݙاں جو تیونس دے وفد دی سربراہی ڈائریکٹر جنرل (ایشیا) سلیم گھرانی کیتی ۔ڳالھ مہاڑ وچ ݙوہیں فریقین سیاسی تعاون، اُچے سطحی تبادلیں، تجارت تے سرمایہ کاری، دفاعی اتے سیکورٹی تعاون، تعلیم اتے عوام نال عوام دے رابطیں سودھا ݙوطرفہ تعلقات دے مکمل دائرہ کار دا جائزہ ڳھِدے۔ اُنہاں 2026 وچ اسلام آباد وچ تھیوݨ آلے 10ویں مشترکہ کمیشن دے اجلاس توں پہلے اقتصادی تعاون کوں وسیع کرݨ دے طریقیں اُتے وی ڳالھ مہاڑ کیتی اے۔ وفداں کثیرالجہتی فورمز خاص کر اقوام متحدہ اتے اسلامی تعاون تنظیم وچ سانجھی ہم آہنگی ودھاوݨ اُتے اتفاق کیتے ۔ اُنہاں مشرق وسطیٰ، فلسطین اتے شمالی افریقہ دے حالات سودھا علاقائی اتے بین الاقوامی پیش رفت اُتے وی ڳالھ مہاڑ کیتی۔ایڈیشنل سیکرٹری خارجہ (افریقہ) وزارت خارجہ دے سیکرٹری خارجہ محمد بن عیید نال وی ملاقات کیتی اے۔ ݙوہیں پاسوں ݙوطرفہ تعلقات کوں مزید وسیع کرݨ اتے سارے شعبیں وچ تعاون کوں ودھاوݨ دے عزم کوں دوہرائے ۔بیان موجب پاکستان اتے تیونس وچال پراݨے دوستانہ تعلقات ہَن جنہاں دی خصوصیت سانجھے احترام اتے نیڑے تعاون اے۔ ایں سال ݙوہیں ملکاں وچال سفارتی تعلقات دے قیام دی 67ویں سالڳنڈھ منائی ویندی پئی اے
